57-ամյա հորը սպանած երեք քույրերի եղբայրը՝ Արսեն Խաչատուրյանը, պատմել է իր ընտանիքի մասին: Նրա խոսքով՝ սպանությունը կանխամտածված է եղել՝ գրում է gazeta.ru-ն:
«Համացանցում գրում են, որ նա դանակով հարձակվել է և այլն, դա այդպես չէ: Հորս սպանությունից 6-7 ժամ առաջ իրենց անձնական նամակագրության մեջ նրանք գրել են, որ պատրաստ են սպանելու նրան»,- հայտարարել է Արսենը:
«Նրանք անընդհատ մարդուն նյարդային վիճակում են պահել, ձայնագրել են նրան: Հայրս խիստ մարդ էր, աղջիկներից տարրական բաներ էր պահանջում՝ հավաքել տունը, ափսեները լվանալ: Աղջիկները չեն կատարել նրա խնդրանքը, այդ պատճառով էլ նրանց միջև անընդհատ վեճեր են ծագել: Հայրս նրանց կյանքի ճանապարհ էր ցույց տալիս, իսկ նրանք դա չգնահատեցին»,- ասել է Արսենը:
