Tuesday, 06 12 2022
ՀՀ մի շարք մարզերի ավտոճանապարհներին մերկասառույց է, Աշոցքում ձյուն է տեղում
00:58
Մունդիալ-2022․ Պորտուգալիան ջախջախիչ հաղթանակ տարավ 1/8-րդ եզրափակիչում
Վանաձորի բժշկական կենտրոն է ընդունվել այրվածքներ ստացած 1.5 տարեկան երեխա
Կարճ ասած՝ զգուշացեք, list. am-ի կեղծ կայքերով քարտից փող գողացող ժուլիկները հայերեն են սկսել գրել․ Սամվել Մարտիրոսյան
Սուրեն Պապիկյանը Հովհաննես Բաղրամյանի թոռանը պարգևատրել է գերատեսչական մեդալով
Ավտովթար Վայոց Ձորի մարզում․ 5 վիրավորներից 3-ը երեխաներ են
ՀՀ ՄԻՊ-ը հանդիպել է Պետդեպարտամենտի հատուկ հանձնարարություններով դեսպանի հետ
«Ապացույցների» հետազոտումը չի հիմնավորել Դավիթ Տոնոյանին առաջադրված մեղադրանքը
Ֆրանսիայի ԱԳ նախարարը հաստատել է ՀՀ-ում ԵՄ առաքելությունը երկարացնելու անհրաժեշտությունը
Մոսկվայում կայացել է ՀՀ, ՌԴ և Ադրբեջանի փոխվարչապետների գլխավորած եռակողմ աշխատանքային խմբի հանդիպումը
Ճապոնիայի դեսպանի հետ քննարկվել են նոր ծրագրեր
«Առաջին» լրատվական-վերլուծական թողարկում
ԱԳ փոխնախարար Վահե Գևորգյանը մասնակցել է Հնագույն քաղաքակրթությունների ֆորումի 6-րդ նախարարական հանդիպմանը
Փրկարարներն արգելափակված երթուղայինից քաղաքացիների են դուրս բերել
Ռուսական խաղաղապահ զորակազմի պատասխանատվության գոտում միջադեպեր չեն գրանցվել
Խմիչքի արտադրությունը հոկտեմբերին 20 մլրդ 742 մլն դրամ է եղել
Լաչինը այլևս միջանցքի մաս չի կազմում. հարցը վերածվելու է նոր խնդրի
«Եվրատեսիլ»-ին ցածրորակ երաժշտություն է, երեխաների սեքսուալիզացիային կտրականապես դեմ եմ
21:58
Մունդիալ-2022․ Մարոկկոն պայքարից դուրս է թողնում Իսպանիային
ԱՄՆ-ն դիտարկում է Հայաստանին աջակցելու ամենատարբեր եղանակներ, բայց «տանգոն մենակ չեն պարում»
Հունվար-հոկտեմբերին հանքարդյունաբերության ծավալը կազմել է 2 տրիլիոն 128 մլրդ 547 մլն դրամ
Դեկտեմբեր 6-ին Հայաստանում ծնունդների թիվը 151
Հունվարից հոկտեմբեր անշարժ գույքի ոլորտի շրջանառությունը 76 մլրդ 381 մլն դրամ է կազմել
Ռոբերտ Քոչարյանը «թռել» է երկրից
21:10
Դատի են տվել Նուբար Աֆեյանի Moderna-ին
Մանկական տոնն ու ներքաղաքական դատարկությամբ մեծերի կռիվը
Վերապատրաստման դասընթաց ԶԼՄ-ների ներկայացուցիչների համար
Մեր եղբայրները իրենց կյանքը զոհել են, որ մեր մանուկներն ուրախանան ձեզ բթացնող տոնածառերով
ՀՀ ոստիկանապետը բարձր է գնահատել ՀԱՊԿ շրջանակներում համագործակցությունը
Ադրբեջանի ագրեսիան ուղղված է նաև մեր տնտեսության դեմ. Արմեն Խաչատրյան

Սերժ Սարգսյանի դաժան երկընտրանքը՝ բա՞նտ, թե՞ փախուստ

Ռոբերտ Քոչարյանի կալանավորման օրերին Սերժ Սարգսյանը գտնվում էր արտերկրում։ Ոմանք ասում են՝ Սերժ Սարգսյանը բուժզննում է անցնում, մյուսները նշում են, որ սա երրորդ նախագահի հերթական ամառային արձակուրդն է։ Սակայն դա չէ էականը, այլ այն՝ կվերադառնա՞ Սարգսյանը Հայաստան, թե՞ կմնա արտերկրում։ Հատկապես Ռոբերտ Քոչարյանի կալանավորումից հետո այս հարցն արդիական է դարձել. Հայաստանում կոտրվեց նախկին նախագահների սահմանադրական բացառիկ իմունիտետի կարծրատիպը, և, օրինակ, Քոչարյանը բանտում հայտնվեց մեկ օրվա ընթացքում։

Հաշվի առնելով Քոչարյանի նախադեպը՝ Սերժ Սարգսյանը կարող է չվերադառնալ։ Սակայն այս դեպքում նա ակամայից ընդունում է, որ խնդիրներ ունի արդարադատության հետ՝ փաստորեն գերադասելով թաքնվել նրանից։ Այս տարբերակը ենթադրում է Սերժ Սարգսյանի վերջնական օտարում քաղաքականությունից, ընդ որում՝ շատ անփառունակ վերջաբանով, դասալիքի կերպարով։

Սակայն այստեղ խնդիրը միայն Սերժ Սարգսյանի անձը չէ, այլ ՀՀԿ-ի ճակատագիրը։ Անցած երեք ամիսներին կուսակցությունը չհասցրեց ադապտացվել նոր իրականությանը՝ շարունակելով ասոցացված մնալ Սերժ Սարգսյանի անվան հետ։ Հիմա եթե կուսակցության առաջնորդը որոշի արտերկրից չվերադառնալ, դա անասելի հարված կլինի ՀՀԿ հեղինակությանը, որն առանց այդ էլ գետնին է հավասարվել կոռուպցիոն վերջին բացահայտումների հետևանքով։ Սարգսյանի «դասալքությունը» վերջնականապես խաչ կքաշի ՀՀԿ հեռանկարի վրա, մանավանդ, որ առջևում Երևանի ավագանու ու խորհրդարանական արտահերթ ընտրություններն են։ Ի դեպ, Սերժ Սարգսյանի բացակայությունը երկրից արդեն իսկ քաոտիկ վիճակ է ստեղծել նրա կուսակցությունում, ինչը դրսևորվում է նրա վերջին օրերի հախուռն վարքագծում, երբ նույնիսկ փորձագիտական շրջանակներում ակնհայտ չէ՝ ՀՀԿ-ն հիմա ներկայացնում է Ռոբերտ Քոչարյանի՞, թե՞ Սերժ Սարգսյանի շահերը։

Եթե երրորդ նախագահը, այնուամենայնիվ, Հայաստան չվերադառնա, ապա Ռոբերտ Քոչարյանը դառնում է հակահեղափոխության յուրօրինակ խորհրդանիշ՝ իրենով անելով թե՛ ՀՀԿ-ի ու քրեաօլիգարխիայի բեկորները, թե՛ հասարակության այն սեգմենտներին, որոնք, այսպես ասենք, հեղափոխության պատճառով կորցրել են իրենց կոմֆորտը կամ հեղափոխությունից սկսում են դժգոհել դրա ինչ-որ փուլում, երբ կոռուպցիոն կամպանիայի հերթական ալիքը սկսում է շոշափել նաև իրենց շահերը։

Մյուս տարբերակն իհարկե այն է, որ Սերժ Սարգսյանը վերադառնում է Հայաստան, մանավանդ, որ պաշտոնապես չկա որևէ տեղեկատվություն, թե նա ինչ-որ գործով հրավիրված է ԱԱԾ կամ ՀՔԾ։ Չկա այս պահին, սակայն հենց արդեն հաջորդ րոպեին կարող է տեղեկատվություն տարածվել, որ Սերժ Սարգսյանն անցնում է այս կամ այն գործով։ Չմոռանանք, որ կոռուպցիոն բացահայտումները երրորդ նախագահին պարզապես դրել են շրջափակման մեջ՝ նույնիսկ անբնական դարձնելով, ասեկոսեների ու դավադրական զրույցների թեմա դարձնելով այն փաստը, որ ԱԱԾ-ն չի թակում Սերժ Սարգսյանի տան դուռը։

Այս ամենին հավելենք Մարտի 1-ի գործով շրջադարձը, որը Սերժ Սարգսյանին դրել է անազատությունից հինգ րոպե առաջ ռեժիմում։ Ռոբերտ Քոչարյանի կալանավորումից հետո Սերժ Սարգսյանը չի կարող առնվազն չհարցաքննվել Մարտի 1-ի գործով։ Անկեղծ լինենք՝ նա չի կարող «պլստալ» և մեղադրյալի կարգավիճակ չստանալ այս գործում. իհարկե, Սարգսյանը չունի այն քաղաքական դերակատարությունն ու պատասխանատվությունը, որից, անշուշտ, խուսափել չի կարող Ռոբերտ Քոչարյանը, սակայն ՀՀԿ առաջնորդը 2008-ի դրամատիկ օրերին եղել է վարչապետ՝ իրականացնելով, այսպես կոչված, սահմանադրական կարգի տապալման օպերատիվ կառավարումը։ Ռոբերտ Քոչարյանը «Երկիր մեդիային» տված հարցազրույցում բաց տեքստով նշել է, որ արտակարգ դրություն մտցնելիս խորհրդակցել է վարչապետ Սերժ Սարգսյանի հետ, ու վերջինս առարկություններ չի ունեցել։

Մյուս կողմից՝ Սերժ Սարգսյանը ֆորմալ առումով ու փաստացի եղել է Մարտի 1-ի թիվ մեկ շահառուն՝ նախագահությունը ստանձնելով դիակների ու արյան վրայով։ Սերժ Սարգսյանն էր ընտրական գործընթացի հիմնական սուբյեկտը, և եթե նա չցանկանար կամ չլիներ իրադարձությունների գործուն մասնակիցը, ապա Մարտի 1 չէր կարող լինել, անգամ Ռոբերտ Քոչարյանի մեծ ցանկության դեպքում։

Գրեթե անկասկած է, որ փաստերի համադրումով՝ վաղ թե ուշ Սերժ Սարգսյանին առաջադրվելու է սահմանադրական կարգի տապալման մեղադրանք, մանավանդ՝ նրա նախագահության շրջանում հանցագործության բացահայտումը պարտակվել է։

Սերժ Սարգսյանին Հայաստանում, ամենայն հավանականությամբ, սպասում է քրեական հետապնդում, և նա հիմա կանգնած է երկընտրանքի առաջ՝ վերադառնալ Հայաստան ու հայտնվել ճաղերի հետևո՞ւմ՝ տեսականորեն պահպանելով քաղաքականություն վերադառնալու հնարավորությունը, թե՞ ընտրել փախուստի անպատվաբեր ճանապարհը՝ չհասկացված ու խորթ մնալով անգամ հարազատ կուսակցության համար։

Լուսանկարը՝ Photolure-ի

Բաժիններ
Ուղիղ
Լրահոս
Որոնում