Արաբական Միացյալ Էմիրությունների ոստիկանությունը բացահայտել է 9,33 կարատանոց հազվագյուտ երկնագույն ադամանդի գողությունը՝ գրում է iz.ru-ն: Նրա արժեքը գնահատվում է 20 մլն դոլար: Գողությունը կատարվել էր մայիսի 25-ին Դուբայում:
Թանկարժեք քարը գողացել էր թանկարժեք իրերի տեղափոխմամբ և պահպանմամբ զբաղվող ընկերության աշխատակիցը: Նրան հաջողվել է շրջանցել պահակազորի բազմամակարդակ համակարգը:
Նա ադամանդը փոխանցել է իր ազգականին, ով կոշիկի տուփի մեջ քարը տեղափոխել է հանցագործի հայրենիք՝ Շրի Լանկա: Ինքը՝ գողության հեղինակը, թաքնվել է այլ էմիրությունում:
Ոստիկանությունը ուսումնասիրել է ավելի քան 8 հազար ժամ տևողությամբ տեսագրություններ, հարցաքննել 120 մարդու: Ներկա պահին չարագործը ձերբակալված է, ադամանդը վերադարձվել է:
