Friday, 29 03 2024
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան
Փորձ է արվում 3 անձերի կատարածը ԱԺԲ ամբողջ կառուլցի հետ կապել. Պապյան
15:45
«ԱՄՆ-ն ու ԵՄ-ը Հայաստանի հետ անվտանգային հարցեր չեն քննարկելու». Ստանո
ՊՆ կոլեգիայի նիստում քննարկվել են սպառազինության և ռազմական տեխնիկայի զարգացման հարցեր
«Ցուցադրությունն անպայման տեղի կունենա». Բաքվում պարզաբանում են տարածել Արայիկ Հարությունյանի հարցազրույցի վերաբերյալ
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
15:30
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին

Ում կթիրախավորի Ռոբերտ Քոչարյանը, և ինչ կանեն նրան. իքս ժամը

Հատուկ քննչական ծառայության ղեկավարը հայտարարել է, որ կա Ռոբերտ Քոչարյանի հարցաքննությունը տեսագրելու որոշում, ինչը, սակայն, չի նշանակում, որ տեսագրությունը հրապարակվելու է: Այն կցվելու է քննության գործերին: Խոսքը Մարտի 1-ի գործի մասին է, որի շրջանակում այսօր կհարցաքննվի երկրորդ նախագահ Ռոբերտ Քոչարյանը:

Իսկ մինչ այդ քննչական խումբը մեղադրանք էր ներկայացրել այդ ժամանակ պաշտպանության նախարար Միքայել Հարությունյանին, որ նա բանակն օգտագործել է քաղաքական ներքին խնդիրներում և ըստ այդմ՝ կատարել սահմանադրական կարգը տապալելու փորձ: Հանրության զգալի մասը համոզված է, որ պաշտպանության նախարարը չէր կարող այդ բանն անել առանց գերագույն գլխավոր հրամանատարի: Ռոբերտ Քոչարյանն այդ կապակցությամբ հարցազրույցում ասել է, որ բանակի գործողությունների հարցում պաշտպանության նախարարը չունի անպայմանորեն գերագույն հրամանատարի հրահանգների կարիք, մասնավորապես չուներ դրա կարիքը Մարտի 1-ին այն քայլերի հարցում, որի համար նրան մեղադրանք է ներկայացվում:

Այդպիսով, Ռոբերտ Քոչարյանը փաստորեն պատասխանատվությունը թողնում է Միքայել Հարությունյանի վրա, որը, ինչպես հայտնի է, Հայաստանում չէ, և պարզ չէ՝ որտեղ է, ու կգա՞ Հայաստան, թե՞ ոչ: Միաժամանակ նրա հանդեպ դեռևս չի հայտարարված միջազգային հետախուզում:

Կլինի՞ դա Քոչարյանի հարցաքննությունից հետո, թե՞ ոչ:

Բայց ամենից շատ հետաքրքրող հարցը, իհարկե, այն է, թե հարցաքննությունից հետո ինչ կլինի Քոչարյանի հետ: Օրինակ՝ նրան կներգրավե՞ն գործում որպես կասկածյալ, կամ կկայացվի՞ Հայաստանից նրա հեռանալու արգելքի մասին որոշում: Կա, իհարկե, նախաքննության գաղտնիքի օրենսդրական պահանջը, և հարցաքննությունը այդ պահանջի բերումով հասանելի չի լինի լայն հանրությանը, թեև Հայաստանում ամենևին նորություն չէ արտահոսքերի պրակտիկան, և շատ ու շատ գործերով, այդ թվում՝ աղմկոտ, ընդհուպ Հոկտեմբերի 27-ի, մամուլ են արտահոսել նախաքննության նյութեր: Ըստ այդմ՝ հարցերից մեկն էլ այն է, թե կլինի՞ արտահոսք այս դեպքում, և արդյոք մամուլում կհայտնվե՞ն Ռոբերտ Քոչարյանի հարցաքննության տարբեր դրվագներ:

Տրամաբանությունը հուշում է, որ Քոչարյանը չի կարող լինել գործով հարցաքննվող միակ պաշտոնյան, որը բարձրաստիճան պաշտոն է զբաղեցրել Մարտի 1-ին: Ավելին, հարցաքննության ենթակա են թերևս բոլոր այն անձինք, որոնք այդ ժամանակաշրջանում ի պաշտոնե եղել են անվտանգության խորհրդի անդամ: Ավելին, անտրամաբանական կլինի թերևս, եթե չհարցաքննվեն նաև ընդդիմադիր գործիչներ՝ ներառյալ ընդդիմության առաջնորդ Տեր-Պետրոսյանը, որոնք կարող են ունենալ տեղեկատվություն, որը հարցեր կառաջացնի նույն պաշտոնյաների նկատմամբ: Թեև թվում է, որ այդ ժամանակ ընդդիմության դիրքերից ամբողջ տեղեկատվությունը թերևս հրապարակվել է, և դրանում ընդդիմությունը շահագրգռված էր իշխանությանը ներկայացվող մեղադրանքները ծանրակշիռ և հնչեղ դարձնելու համատեքստում:

Եվ այս իմաստով, իհարկե, հետաքրքիր է թերևս այլ հարց: Իսկ Ռոբերտ Քոչարյանը կարո՞ղ է տալ այնպիսի պատասխաններ, ասել այնպիսի բաներ, որոնք նախաքննության հարցեր կարող են առաջացնել ոչ միայն իշխանության այլ ներկայացուցիչների՝ ներառյալ Սերժ Սարգսյանի, այլ նաև ընդդիմության առաջնորդների նկատմամբ, այդ թվում՝ Լևոն Տեր-Պետրոսյանի:

Ակնհայտ է, որ Ռոբերտ Քոչարյանի հարցազրույցը Մարտի 1-ի գործի քննության «իքս ժամն» է, որը գործնականում ազդարարելու է թե՛ քննության, թե՛ նաև ներքաղաքական կյանքի վրա գործի ազդեցության լիովին նոր փուլ: Նախորդ տասնամյակում Մարտի 1-ի գործն առանցքային ազդեցություն է ունեցել քաղաքական անցուդարձի վրա՝ թե՛ տեսանելի, թե՛ նաև ոչ առերևույթ, բայց բավականին նուրբ ենթաշերտերով: Եթե գործի քննությունը մտնում է իրապես անաչառության և բացահայտման քաղաքական կամքի փուլ, ապա դարձյալ անխուսափելի է ներքաղաքական ազդեցությունը, համենայնդեպս այնքան ժամանակ, քանի դեռ այդ իրադարձությունների այս կամ այն կարգավիճակով կամ դիրքերում բոլոր մասնակիցները շարունակում են լինել ներքաղաքական անցուդարձի հիմնական դերակատարները:

Իհարկե, տեղի է ունեցել դերակատարության ստատուս քվոյի ահռելի փոփոխություն, սակայն, միևնույն է, շրջանակը գործնականում նույնն է, հետևաբար գործի ընթացքի նոր փուլը ազդելու է այդ շրջանակում, թեկուզ նոր ստատուս քվոյում, դրա մասնակիցներից զգալի մասի վարքագծի վրա:

Բաժիններ
Ուղիղ
Լրահոս
Որոնում