29-ամյա Եվգենի Ռիզանովը և Քսենյա Խոդիկինան Ռուսաստանից կանանց Նյու Յորք են բերել «մարմնավաճառությանը նպաստող բարդ, երկարաժամկետ օպերացիայի շրջանակներում»,– պատմել է շրջանային դատախազի օգնական Ջեյմս Լինչը։ Գործով ևս մեկ մեղադրյալ է հանդիսանում Արկադի Բաշկատովը։ Նրանք երեքով սեքս–արդյունաբերության աշխատակիցներին տեղավորել են Բրուկլինում և աշխատանքի են ուղարկել Նյու Յորք։ Դա շարունակվել է 2015-ի հունիսից մինչև 2018 թվականի հունիս ամիսը։
Պատասխանողները գումարը կիսել են կանանց հետ, սակայն թելադրել են պահվող տոկոսների պայմանները,– նշել է Լինչը։
Դատարանում Ռիզանովն ու Խոդիկինան իրենց մեղքը չեն ընդունել։ Նրանց փաստաբանը խնդրել է դատավորին՝ Խոդիկինիային առանց գրավի ազատ արձակել։
Դատարանը Խոդիկինայի ազատ արձակման համար գրավի գումար է որոշել՝ 50 հազար ԱՄՆ դոլարի չափով, իսկ նրա ամուսնու համար՝ 100 հազար դոլարի չափով։
Ռուսաստանի քաղաքացիները ձերբակալվել են անցյալ շաբաթ Ֆլորիդայում, Trump Towers III բնակելի համալիրի բնակարաններից մեկում, որը գտնվում է ռուսալեզու բնակչության մեջ հայտնի Սանի–Այլս–Բիչ քաղաքում։ Նրանց նկատմամբ հետապնդում է սկսվել այն ժամանակ, երբ մարմնավաճառության մեղադրանքով երկու կին է ձերբակալվել, որոնք նրանց համար էին աշխատում։
