«Արդեն 25-րդ օրն է ճանապարհները դեպի ծրագիր փակ են, շինարարական աշխատանքները դադարեցված են: Ներդրումների 80 տոկոսն արդեն իրականացվել է, բայց չենք կարողանում շարունակել: Մենք չենք ընդունում նման գործողությունները՝ այսինքն՝ անօրինական կերպով փակել ճանապարհները և չթողնել մարդկանց մուտք գործել դեպի ծրագրի իրականացում»,- «Առաջին լրատվական»- ի հետ զրույցում այս մասին ասաց «Լիդիան Արմենիա» ընկերության գործադիր տնօրեն Հայկ Ալոյանը:
Նրա կարծիքով՝ խնդիրը բնապահպանությունը չէ: Կարծում եմ՝ կան բազմաթիվ այլ պատճառներ՝ քաղաքականություն, կարող են լինել ֆինանսական խնդիրներ, տարբեր տեսակի ապօրինություններ, բայց հիմնական խնդիրը բնապահպանությունը չէ:
Հ. Ալոյանի կարծիքով՝ ծրագրին ուղղված հարվածները տարբեր տեղերից են գալիս. «Արդեն 12 տարի է պայքարում ենք ծրագրի համար: Միտումնավոր փորձ է արվել ընկերության հեղինակությունը գցել, բայց մինչև այսօր ընկերությունն առաջ է գնացել միջազգային չափանիշներին համապատասխան, բնապահպանական և սոցիալական ազդեցության գնահատականներով, օրենքին համապատասխան ստացել ենք հանքավայրը շահագործելու թույլտվություն: «Լիդիան Արմենիան» կողմ է, որ պահպանվի օրենքը»:
Արդյո՞ք Հայաստանի բնությանն անդառնալի վտանգ չի սպառնում: Այս հարցին ի պատասխան՝ Ալյանը նշեց. «Ես ՀՀ քաղաքացի եմ, և ուզում եմ, որ Հայաստանը լինի կանաչ: Մենք 12 տարի է իրականացնում ենք բնապահպանական ուսումնասիրություններ և 12 տարվա ընթացքում որևէ բնապահպանական ՀԿ որևիցե աշխատանք չի կատարել, որպեսզի համեմատի մեր տվյալներն իրենց տվյալների հետ»:
Մանրամասն՝ տեսանյութում:
