Ադրբեջանի նախագահ Իլհամ Ալիևը շնորհավորել է Ֆրանսիայի նախագահ Էմանուել Մակրոնին Ֆրանսիայի ազգային տոնի կապակցությամբ՝ գրում է minval.az-ը:
Ալիևը իր շնորհավորական ուղերձում նշել է Ֆրանսիայի հետ իր երկրի ունեցած բարեկամական հարաբերությունները շարունակելու ցանկության մասին:
Նա նաև շեշտել է, որ մեծ հույսեր է կապում Ֆրանսիայի հետ Լեռնային Ղարաբաղի հակամարտության լուծման հարցում: «Պարոն նախագահ, մենք մեծ հույսեր ենք կապում Ֆրանսիայի՝ որպես ԵԱՀԿ Մինսկի խմբի համանախագահի և անձամբ Ձեր գործադրած ջանքերի հետ՝ Լեռնային Ղարաբաղի հակամարտության լուծման հարցում»,- ասվում է ուղերձում:
