Грузия Online փոխանցմամբ՝ Աֆղանստանում զոհվել է ևս մեկ վրացի զինծառայող։ Այս մասին հայտարարել է Վրաստանի պաշտպանության նախարարությունը։
Շարքային Գիա Գոգուաձեն, որը ծառայում էր Հելմանդ նահանգում տեղակայված 3-րդ հետևակային բրիգադում, վիրավորվել է թալիբների հարձակման ժամանակ և հասցվել տեղի հոսպիտալ, սակայն բժիշկներին չի հաջողվել փրկել նրա կյանքը։
Հիշեցնենք, որ մինչ այս Աֆղանստանում զոհվել էին 8 վրացի զինծառայողներ։ Ներկայումս Աֆղանստանում են գտնվում 900-950 վրացի խաղաղապահներ։
2012 թվականին նրանց թիվը հասնելու է 1500-ի, որով և Վրաստանը պետք է դառնա ՆԱՏՕ-ի անդամ չհանդիսացող երկրներից Աֆղանստանում ամենամեծ զինվորական կոնտինգենտն ունեցող երկիրը։