Ադրբեջանի մեծությամբ երկրորդ քաղաքի՝ Գյանջայի քաղաքապետի վրա զինված հարձակում են գործել։ Պաշտոնյան և թիկնապահը վիրավոր են, նրանց վիճակը բժիշկները կայուն են գնահատում։
Իրավապահները հստակեցրել են, որ 57-ամյա Էլմար Վելիևին կրակել են Մակարով տեսակի ատրճանակից, հուլիսի 4-ին, տեղի ժամանկով՝ 23։30-ին, քաղաքապետարանի մերձակայքում։
Չարագործը, որը ծնունդով Գյանջայից Յունիս Սաֆարովն է (1983 թվականին ծնված) ձերբակալվել է, սակայն նրա դրդապատճառները պաշտոնապես հայտնի չեն։ Նախկինում նա արդեն աչքի է ընկել քրեական գործերում։ Տեղի ԶԼՄ-ները գրում են, որ նա «արմատական իսլամիզմի» կողմնակից է։
Գործը վերահսկում է անձամբ Իլհամ Ալիևը։
