Թուրքական Cumhuriyet թերթի փոխանցմամբ, ԵՄ ընդլայնման ու եվրոպական հարևանության հարցերով եվրակոմիսար Շտեֆան Ֆյուլեն մեկնաբանել է Կարսի՝ հայ-թուրքական բարեկամությունը խորհրդանշող հուշարձանի ապամոնտաժումը.
«ԵՄ-ը ցավում է հայ-թուրքական բարեկամությունը խորհրդանշող հուշարձանի ապամոնտաժման համար։ Թուրքական կողմը նշում էր, թե հուշարձանի վայրում առկա էին բազմաթիվ մուսուլմանական գերեզմաններ, սակայն եթե խնդիրը հուշարձանի գտնվելու վայրն էր, ապա այն կարելի էր տեղափոխել մեկ այլ վայր»։
Հիշեցնենք, որ տարեսկզբին Թուրքիայի վարչապետ Էրդողանի կողմից «այլանդակ ու ապամոնտաժման ենթակա» անվանված Կարսի հուշարձանի ապամոնտաժման աշխատանքները մեկնարկեցին Հայոց ցեղասպանության 96-րդ տարելիցի օրը՝ ապրիլի 24-ին, և ավարտվեցին հունիսի 14-ին։
