Ընթացիկ տարվա ամառային զորակոչի ընթացքում ՀՀ պաշտպանության նախարարությանն առընթեր հասարակական խորհուրդը քաղաքացիներից ստացել է 35 դիմում-բողոք։ Պաշտպանության նախարարի հրամանով ստեղծված հանձնաժողովն այսօր՝ հուլիսի 2-ին լսեց դիմումատուների՝ պարտադիր զորակոչի ենթակա զինակոչիկների գանգատները, կայացրեց որոշումներ։ Այս խորհրդի նախագահ Գեղամ Հարությունյանը «Առաջին լրատվական»-ի հետ զրույցում տեղեկացրեց, որ դիմումները հիմնականում վերաբերում են այս կամ այն տիպի առողջական խնդիրներին։
«Մեզ ներկայացված յուրաքանչյուր դիմում-բողոք շատ մանրամասն ուսումնասիրվում է և բարձրացված խնդրի առնչությամբ, եթե կան հիմքեր, ապա այդ դեպքում մենք պարտադիր միջամտում ենք գործընթացին և ներկայացնում ենք միջնորդագիր պատկան մարմիններին՝ հավելյալ ստուգումներ իրականացնելու համար․ տվյալ դեպքում, եթե խնդիրն առողջական է , ապա միջնորդագրերը մեծամասամբ ուղղվում են զինվորական կենտրոնական բժշկական հանձնաժողովին և մենք մեր միջնորդագրերը հիմնավորում ենք և բժշկական հետազոտությունների տվյալներով և զորակոչիկի և նրա ծնողների ներկայացրած դիտարկումներով ու գանգատներով»,-ասաց Գեղամ Հարությունյանը։
Գեղամ Հարությունյանի խոսքերով՝ ներկայացված բողոքների կեսից ավելին իրենց կողմից միջնորդվում է ՝ հավելյալ ստուգումներ իրականացնելու համար։
Մանրամասները՝ տեսանյութում։