«Դուք անընդհատ խոսում եք ընդլայնողական քաղաքականության մասին: Կխնդրեի թիվ հրապարակել` այդ ընդլայնողական քաղաքականության արդյունքում որքա՞ն են իջել բանկային տոկոսադրույքները իրական տոկոսադրույքը իջեցնելու առումով, և ինչպիսի՞ արդյունքներ է արձանագրել ԿԲ-ն»,- այս հարցն այսօր պատգամավոր Արծվիկ Մինասյանն ուղղեց ԿԲ նախագահ Արթուր Ջավադյանին: «Մենք ունեցել ենք վարկավորման աննախադեպ աճ, աննախադեպ` համեմատած աշխարհի մնացած երկրների հետ: Մենք երկրորդն ենք այդ ցուցանիշով` Լիբանանից հետո: Որեւէ ԱՊՀ երկրում նման աճ չի եղել: Ես նկատի ունեմ ոչ թե վարկավորման քանակը, այլ վարկային պորտֆելի աճը»,- պատասխանեց նա` հավելելով, որ այս պահի դրությամբ մինչճգնաժամային ժամանակահատվածի համեմատ, բանկերում վարկային տոկոսադրույքները նվազել են 4.5-5 տոկոսով: «Հենց երեկ բանկերից մեկը հայտարարեց, որ պատրաստ է փոքր ու միջին բիզնեսի վարկերի գծով Երեւանի բնակիչներին դրամով տրամադրել 14 տոկոսով եւ ոչ Երեւանի բնակիչներին 13 տոկոսով»,- ասաց ԿԲ նախագահը: