Համահայկական խաղերի համաշխարհային կոմիտեի նախագահ Իշխան Զաքարյանը հունիսի 20-ին աշխատանքային խորհրդակցություն է անցկացրել մարզպետարանների ու քաղաքապետարանների պատասխանատուների հետ, որին մասնակցել է նաև ՀՀ սպորտի և երիտասարդության հարցերի նախարար Արթուր Պետրոսյանը:
Խորհրդակցության ընթացքում քննարկվել են 5-րդ համահայկական խաղերի նախապատրաստական աշխատանքների հետ կապված խնդիրներ:
Ի. Զաքարյանը տեղեկացրել է, որ օգոստոսի 13-ից 21-ը կայանալիք 5-րդ համահայկական խաղերին ներկայացված է 10-ը մարզաձև: Կոմիտեի նախագահը ՏԻՄ ներկայացուցիչներին ներկայացրել է նախորդ չորս խաղերի մասնակից քաղաքաների ընդգրկվածության դինամիկան և հորդորել է 5-րդ հոբելյանական խաղերին բարձրացնել մասնակցության ցուցանիշը: Զաքարյանը շեշտել է, որ այս խաղերի գերնպատակը Հայաստան-Սփյուռք կապի ամրապնդումն ու աշխարհասփյուռ հայության համախմբումն է:
Ողջունելով հայաստանյան 48 մասնակից քաղաքների քաղաքապետերին՝ ՀՀ սպորտի և երիտասարդության հարցերի նախարար Արթուր Պետրոսյանը շեշտել է, որ անկախ սպորտում ցուցաբերած արդյունքներից այս խաղերում խիստ կարևոր է մասնակցությունը:
ՏԻՄ պատասխանատուները իրենց հերթին խոստացել են լինել ակտիվ և մեծացնել մասնակիցների թիվը: