Վրաստանը պետք է պաշտոնապես դիմի Եվրամիությանը անդամակցելու համար, այսօր այս մասին Բրյուսելում Վրաստանի նախագահ Միխեիլ Սաակաշվիլիի հետ համատեղ ասուլիսում հայտարարել է Եվրահանձնաժողովի նախագահ Ժոզե Մանուել Բառոզուն։
«Դա կնպաստի Վրաստանի և ԵՄ–ի հարաբերությունների խորացմանը և ձեր երկիրը կդարձնի ավելի գրավիչ էներգետիկ ոլորտում ներդրումների առումով»,– ընդգծել է Բառոզուն:
Նա նաև հայտարարել է, որ «ԵՄ-ն երբեք չի հաշտվի Վրաստանի որևէ հատվածի օկուպացիայի հետ, և ԵՄ-ն կոչ է անում բոլոր երկրներին ճանաչել Վրաստանի տարածքային ամբողջականությունը»:
Եվրահանձնաժողովի նախագահը Վրաստանն անվանել է ԵՄ–ի գլխավոր գործընկերներից մեկը՝ ընդգծելով, որ ընթացիկ տարվա հունիսին ԵՄ–ին Վրաստանի ասոցացված անդամակցության մասին համաձայնությունը ենթադրում է ազատ առևտրի ռեժիմի ներմուծում, ինչպես նաև վիազային ռեժիմի թեթևացում։