Հայաստանի հավաքականի խաղացող Արտյոմ Թավակալյանը, նույնպես խոսել է Հայաստան- Քաթար հանդիպումից հետո:
-Առաջին խաղն էր, թիմում ունենք նոր խաղացողներ և ժամանակ է պետք ընտելանալու համար:
Վերջին խաղակեսում թողեցինք , որ նրանք շատ միավոր վաստակեն: Մենք վերջին 3 րոպեներին շատ կորցրեցինք գնդակը, իրենք էլ օգտվեցին առիթից : Նրանք շատ էին տիրում օղակից անրադարձող գնդակներին: Երբ հաշվի մեջ 3 միավոր էր տարբերությունը ամեն ինչ հնարավոր էր ուղղել, բայց երբ տարբերությունը հասավ 9 միավորի , ամեն ինչ շատ դժվարացավ:
Առավոտյան մարզմանը կարծում եմ, որ պետք է աշխատենք հենց նման խնդիրների վրա և պատրաստվենք Լիբանանի դեմ խաղին:
Այս օրերին շատ լիբանանահայեր էին ինձ գրում սոցիալական կայքերում , հաջողություն մաղթում և ասում, որ կտեսնվենք մարզադահլիճում, բայց այսօր այնպիսի տպավորություն էր, որ Լիբանանում հայեր չկան, դահլիճում ընդամենը 10-15 հոգի էին: Իսկ մենք բոլորս գիտենք, թե որքան շատ են նրանք Բեյրութում:
Հիշեցնենք, որ մեր հավաքականը մեկնարկային խաղում 63-72 հաշբվով զիջել էր Քաթարին: