Լատվիայի արդարադատության նախարարության խորհրդարանական քարտուղար Յանիս Իեսալնիեքսը վրդովվել է, որ Սեյմի պատգամավորները չեղարկել են նախընտրական քարոզչությունը միայն լատիշերենով անցկացնելու վերաբերյալ օրինագիծը՝ գրում է iz.ru-ն:
«Ցավալի է, որ անկախության վերահաստատումից 28 տարի անց պատգամավորների մեծ մասը դեռ ստրկական մտածողություն ունի: Դե ֆակտո երկլեզվությունը կշարունակվի բոլոր մակարդակներում»,- ասել է Իեսալնիեքսը:
Փաստաթուղթը ենթադրում է լրացնելու վարչական տույժերի կանոնակարգը՝ նախընտրական քարոզչության ժամանակ պետական լեզուն չգործածելու համար 100-ից մինչև 700 եվրո ֆիզիկական անձանց դեպքում, 500-ից մինչև 5 000 եվրո իրավաբանական անձանց դեպքում տույժերով: