Մոսկվայում ապամոնտաժում են ոչ միայն մետրոյի կայարանների մոտ գտնվող կրպակները, այլև զուգարանի խցիկները: Այս մասին, ըստ vesti.ru-ի, հայտարարել է Ռուսական զուգարանային միավորման տնօրեն Վլադիմիր Մոսկունովը: Նա ընդգծել է, որ իշխանությունները պետք է մշակեն քաղաքի տարածքում զուգարանների տեղադրման ամբողջական համակարգ, ինչը, ըստ Մոսկունովի, շատ սուր խնդիր է քաղաքի համար:
Ընդսմին, փողոցներից զուգարանային խցիկների ապամոնտաժումը կարող է դառնալ այդ բիզնեսի զարգացման նոր փուլի սկիզբ: Այդպիսի կարծիք է հայտնել ոլորտի կառավարող ընկերություններից մեկի տնօրենը` նշելով, որ թեև ներկայումս խցիկների ապամոնտաժմանը զուգահեռ, իրենց եկամուտներն ընկել են, սակայն մյուս կողմից էլ` սա թույլ կտա տգեղ կապույտ խցիկները փոխարինել նորացված ժամանակակից մոդուլներով: