Ինչպես հաղորդում է Ma’an գործակալությունը, Պաղեստինի ղեկավարությունը Հայաստան է գործուղել պետական պատվիրակություն՝ Պաղեստինի անկախության ճանաչման հարցը քննարկելու համար:
Պատվիրակությունը ղեկավարում է միջազգային հարցերով պատասխանատու Նաբիլ Շա’աթը, որը հանդիպումներ կունենա Հայաստանի պաշտոնյաների և քաղաքական կուսակցությունների առաջնորդների հետ: Այցելությունը կատարվում է սեպտեմբերին ՄԱԿ-ում Պաղեստինի անկախության հարցի քննարկման նախօրեին: Պաղեստինյան կողմին անհրաժեշտ է ստանալ որքան հնարավոր է՝ շատ երկրների աջակցությունը: Քննարկվելու են նաև երկկողմ հարաբերություններ:
Բացի Հայաստանից, Շա’աթը լինելու է նաև Մոլդովայում, Ֆիլիպիններում, Մեքսիկայում և Կոլումբիայում՝ ՄԱԿ-ում պաղեստինյան հարցը քննարկելու համար: Հիշեցնենք նաև, որ լատինամերիկյան մի շարք երկրներ արդեն ճանաչել են Պաղեստինի անկախությունը: Արևմտյան մի շարք երկրներ նույնպես կարծում են, որ անկախ Պաղեստինի հռչակումը թույլ կտա տեղից շարժել իսրայելա-պաղեստինյան բանակցությունները և հասնել խաղաղ կարգավորման: