Ամերիկուհի Ջենի Կլեմենտին հետախուզման մեջ է հայտարարվել ոստիկանությունից փախչելուց հետո: Ձերբակալվելով խարդախության համար՝ նա գողացել է պարեկային ավտոմեքենան, ընդ որում՝ մեջքի հետևում նրա ձեռքերին եղել են ձեռնաշղթաներ: Նա վթարի է ենթարկվել և փախել է դեպքի վայրից՝ հաղորդում է 11alive պորտալը:
Ոստիկանները կնոջը ձերբակալել են Յունիոն Սիթիի (Ջորջիա նահանգ) խանութներից մեկում՝ կրեդիտ քարտի հետ կապված խարդախության պատճառով: Նշվում է, որ Կլեմենտին արդեն երեք անգամ հայտնվել է բանտում նման արարքի համար:
Ոստիկանության աշխատակիցները օրինախախտի ձեռքերին հագցրել են ձեռնաշղթաներ, նստեցրել են ծառայողական մեքենան, իսկ իրենք մեկնել են՝ հարցաքննելու վկաներին: Կլեմենտին կարողացել է ազատվել ձեռնաշղթաներից և գողանալ ավտոմեքենան: Փախուստի ժամանակ կինը կորցնելով կառավարումը՝ վթարի է ենթարկվել, դուրս է թռչել մեքենայից և փախել է անտառ: Ոստիկանությունը շարունակում է նրա որոնումները:
