«Ազատություն» ռադիոկայանի հաղորդմամբ` Հունիսի 17-ին ԱՄՆ-ի Բոստոն քաղաքում մահացել է Անդրեյ Սախարովի այրին` Ելենա Բոները, սակայն այդ մասին հայտնի է դարձել միայն կիրակի օրը:
Ելենա Բոները հայտնի իրավապաշտպան էր: 1972թ. նա ամուսնացել է Անդրեյ Սախարովի հետ: Նրանք ծանոթացել են Սախարովի այլախոհներից մեկի դեմ դատավարության ժամանկ: Նույն տարում Բոները լքեց կոմունիստական կուսակցության շարքերը: 1975թ. նա ամուսնու փոխարեն ստացավ Խաղաղության նոբելյան մրցանակը:
1970-ականների վերջին նա ամուսնու հետ ակտիվ մասնակցել է իրավապաշտպան կազմակերպությունների ստեղծմանը, եղել է մոսկովյան հելսինկյան խմբի համահիմնադիրներից մեկը: Ամուսնները եղել են նաև աքսորում: Սախարովի մահից հետո էլ նա չի դադարել իրավապաշտպանի գործունեությունը: Մինչև 1994թ. եղել է ՌԴ նախագահին կից մարդու իրավունքների հանձնաժողովում, սակայան այդ տարի ցուցադրաբար լքել է պաշտոնը` համարելով, որ չի կարող համագործակցել նախագահի վարչակազմի հետ, որը պատերազմ է սկսել Չեչնիայում:
RIA-Novosti գործակալության փոխանցմամբ` Ելենա Բոների հրաժեշտի արարողությունը տեղի կունենա ԱՄՆ-ում, իսկ նրա աճյունը հողին կհանձնվի Մոսկվայի «Վոստրյակովսկի» գերեզմանատանը, որտեղ թաղված է Անդրեյ Սախարովը: Նրա դուստրը` Տատյանան, ասել է, որ հրաժեշտի արարողություններից հետո նրան դիակիզման կենթարկեն, իսկ աճյունը կտեղափոխեն Մոսկվա: