ՆԱՏՕ-ն վտանգ չի ներկայացնում Իրանի համար: Այդ մասին այսօր Բաքվում կայացած մամուլի ասուլիսում հայտարարել է Իրանի Իսլամական Հանրապետության նախագահ Մահմուդ Ահմադինեժադը: «ՆԱՏՕ-ն վտանգ չի ներկայացնում Իրանի համար: ՆԱՏՕ-ն ի վիճակի չէ դերակատարություն ունենալ աշխարհի ապագա փոփոխություններում»,- ասել է Ահմադինեժադը՝ պատասխանելով Թուրքիայում դաշինքի հակահրթիռային համակարգի հնարավոր տեղակայման վերաբերյալ հարցին: Նրա խոսքով՝ պրակտիկան ցույց է տալիս, որ ավելի վաղ ՆԱՏՕ-ը կողմից ընդունված որոշումները ճիշտ չէին: «Անցյալում է մնացել այն ժամանակաշրջանը, երբ քաղաքական հարցերն աշխարհում կարելի Էր լուծել ռազմական ներուժի օգտագործմամբ»,- ասել Է Իրանի նախագահը: