Սյունիքի մարզի քննչական բաժնում ՀՀ քրեական օրենսգրքի 185 հոդվածի երրորդ մասի առաջին կետով հարուցվել է քրեական գործ`հոկտեմբերի լույս 29-ի գիշերը Լեռնաձորում ուրանի որոնողա-հետախուզական աշխատանքներ իրականացնող ավտոմեքենայի հրիզման առչնությամբ։ Շարունակվում է նախաքննությունը, կասկածյալներ դեռևս չկան ։ «Ուրալ 375» մակնիշի 263SU65 պետհամարանիշի ավտոմեքենան, որի թափքում տեղադրված էր «СKB-4» հորատող սարքավորումը, պատկանում էր «Աբվան» ՍՊԸ-ին։ Ըստ ընկերության պատասխանատուների՝ վնասի չափը 22.500.000 դրամ է կազմում։ Սակայն «Աբվան» ՍՊԸ-ն նոր հորատող սարք է բերել, ու որպեսզի նման հրկիզումներ չլինեն, ամեն գիշեր ոստիկանության պարեկա-պահակային ծառայությունը հերթապահություն է իրակացնում։ Իրավապահները բացառում են ինքնահրկիզման վարկածը՝ ասելով, որ «մեքենան ամբողջովին անջատված է եղել էլեկտրասնուցման աղբյուրից, եւ հնարավոր չէր հրդեհի բռնկումն առանց մարդու միջամտության»։