Թերթը տեղեկացնում է, որ երեկ՝ ժամը 01:00-ի սահմաններում, Կոմիտաս-Փափազյան փողոցների խաչմերուկում տեղի է ունեցել ավտովթար. «Ֆոտոլրագրող Գագիկ Շամշյանի փոխանցմամբ՝ այդ հատվածում միմյանց են բախվել 22-ամյա Սերգեյ Աբրահամյանի վարած «ՎԱԶ-2110» մակնիշի 07 ՕՏ 492 համարանիշի և 45-ամյա Վարդան Հերոյանի վարած «Հունդայի» մակնիշի 96 SN 999 համարանիշի ավտոմեքենաները: Վթարի հետևանքով «ՎԱԶ-2110»-ի վարորդը և նրա ուղևոր 23-ամյա Հովհաննես Աբրահամյանը, ինչպես նաև «Հունդայի» մեքենայի ուղևորներ 48-ամյա Նաիրա Հերոյանը, 41-ամյա Թերեզա Բարսեղյանը, 22-ամյա Անի Պողոսյանը և 48-ամյա Արմեն Պողոսյանը մարմնական վնասվածքներով տեղափոխվել են «Սուրբ Գրիգոր Լուսավորիչ» և «Արմենիա» բժշկական կենտրոններ: Ի դեպ, «Հունդայի» ավտոմեքենան պատկանում է Աժ նախագահ Հովիկ Աբրահամյանի խորհրդական Ալբերտ Հերոյանին»,- գրում է թերթը: