Ղազախստանի Սենատը (վերին պալատը) մայիսի 31-ին օրենք 1 ընդունել «Ղազախստանի Հանրապետության Անվտանգության խորհրդի մասին», որտեղ ամրագրվում Է Ղազախստանի առաջին նախագահ Նուրսուլթան Նազարբաևի՝ Անվտանգության խորհուրդը ցմահ գլխավորելու իրավունքը:
Այս մասին ՏԱՍՍ-ին հայտնել Է խորհրդարանի մամուլի կենտրոնից:
«Սահմանվում Է, որ Ղազախստանի Հանրապետության առաջին նախագահին՝ Ելբասիին (ազգի առաջնորդին), նրա պատմական առաքելության շնորհիվ ցմահ պատկանում Է Անվտանգության խորհորդը գլխավորելու իրավունքը՝ որպես նախագահ»,- ասված Է Սենատի Սահմանադրական օրենսդրության, դատական համակարգի եւ իրավապահ մարմինների կոմիտեի օրենքի եզրակացության մեջ:
Օրենքում Ղազախստանի Անվտանգության խորհուրդն օժտվում Է սահմանադրական համակարգող մարմնի կարգավիճակով: Անվանգության խորհուրդը «համակարգելու Է պետական միասնական քաղաքականությունը Ղազախստանի ազգային անվտանգության եւ պաշտպանունակության ոլորտում» ներքին քաղաքական կայունության պահպանման, սահմանադրական կարգի, պետական անկախության, տարածքային ամբողջականության եւ միջազգային ասպարեզում հանրապետության ազգային շահերի պաշտպանության նպատակով: