Այսօր հայտնի են դարձել տեղեկատվական տեխնոլոգիաների ոլորտի կառավարիչների ամենամյա մրցանակաբաշխության հաղթողները: Այս մասին հաղորդում է «Մեդիամաքս» լրատվական գործակալությունը։
Հաղթողներն են՝
1. Արսեն Գևորգյան՝ SFL LLC, գործադիր տնօրեն;
2. Ժիրայր Թերզյան ՝ AdBook, տնօրեն;
3. Դավիթ Քոչարյան՝ developWay ՓԲԸ, գործադիր տնօրեն:
Ս.թ. ապրիլի 17-ին հայտարարվեց, որ «Սինոփսիս-Արմենիա» ընկերության նախաձեռնությամբ սահմանվել է ՀՀ վարչապետի մրցանակը IT-ոլորտի մենեջերների համար: Նշվել էր, որ լավագույն 3 մենեջերները հնարավորություն կստանան 2011թ. օգոստոսին մասնակցել ԱՄՆ Սթենֆորդի համալսարանում (Stanford Executive Instititute) կայանալիք ուսման կուրսին:
Մրցույթի գլխավոր հովանավորը «ՎիվաՍել-ՄՏՍ» ընկերությունն է, որը 3 մենեջերների ուսուցումը ֆինանսավորելու նպատակով կհատկացնի 19 մլն դրամ: