«100-ամյակներ շարունակ պետականության չգոյությունից հետո մենք զրոյից պետություն ստեղծեցինք, այսինքն՝ սա այն օրն է, երբ որ պետականության գիտակցությունը վերջապես իր գործնական արտահայտումը ստացավ հայ իրականության մեջ և դա իսկապես շատ կարևոր է»,- «Առաջին լրատվական»-ի հետ զրույցում ընդգծեց ՀՅԴ անդամ Բագրատ Եսայանը` անդրադառնալով Հայաստանի առաջին Հանրապետության 100-ամյակին։
Բագրատ Եսայանի խոսքերով ՝ այսօր ևս շատ կարևոր պատմական փուլ է և թավշյա հեղափոխությունն ազգային վերազարթոնք է։
«Կարծում եմ, որ այսօրվա մեր իշխանությունները՝ վարչապետի գլխավորությամբ չպետք է թույլ տան այն սխալը, որը թույլ տրվեց ՀՀ առաջին նախագահի կողմից․ նա չկարողացավ պահել միասնականության այն մթնոլորտը, որը մենք ունեինք 1988թ-ին։ Ինքը (նկատի ունենալով Լևոն Տեր-Պետրոսյանին-խմբագրական) Սփյուռքին որակեց որպես նարինջ ուտողներ, որոնք իրավունք չունեն խառնվելու Հայաստանի գործերին, Դաշնակցությանն որակեց որպես թշնամի կուսակցություն, որը դրսից է կառավարվում և դրսի շահերն է սպասարկում, անգամ հենց իր կողմնակիցներին՝ Ալբերտ Բաղդասարյան, Էդվարդ Եգորյան․․․ աստիճանաբար այդ պառակտումը գնաց, խրամատները փորվեցին, պարիսպներ շարվեցին մեր ժողովրդի մեջ և դա պատճառ հանդիսացավ, որ մենք ջլատվեցինք և հզորանալու փոխարեն՝ մենք գնալով աստիճանաբար թուլացանք։
Հույս ունեմ, որ ներկայիս իշխանություններն այդ սխալը չեն կրկնի և առ այսօր ձեռնարկված քայլերը ցույց են տալիս, որ նոր կառավարությունը, նոր իշխանությունն այս գիտակցումն ունի»,-հավելեց բագրատ Եսայանը։
Մանրամասները՝ տեսանյութում։
