CNN Türk-ի փոխանցմամբ՝ Թուրքիայի վարչապետ Ռեջեփ Թայյիփ Էրդողանը ետ է վերցրել նախընտրական շրջանում ներկայացրած իր 17 դատական հայցերից 16-ը։
Ընդհանուր առմամբ, Էրդողանը ետ է վերցրել 16 դատական հայց, որոնցից 10-ը վերաբերում են ընդդիմադիր Ժողովրդա-հանրապետական կուսակցության (ԺՀԿ) նախագահ, թուրքական ընդդիմության առաջնորդ Քեմալ Քըլըչդարօղլուին, 3-ը՝ «Ազգայնական շարժում» կուսակցության (ԱՇԿ) նախագահ Դևլեթ Բահչելիին, 1-ը՝ Դեմոկրատական կուսակցության նախագահ Զեյբեկին, 1-ը՝ Թուրքիայում ամենասարսափահարույց թերթի համբավ ունեցող Taraf թերթի գլխավոր խմբագիր Ահմեդ Ալթանին և 1-ը՝ Cumhuriyet թերթի թղթակից Մերիչ Վելիդեդեօղլուին։
Էրդողանը սակայն չի ներել արվեստագետ Մուժդաթ Գեզենին։ Վերջինս ընտրություններից առաջ հայտարարել էր, որ, մի շարք հարցախույզների համաձայն, Էրդողանի գլխավորած «Արդարություն ու զարգացում» կուսակցությունը (ԱԶԿ) ստանում է մասնակիցների 50 տոկոսի աջակցությունը։
Ապա Գեզենը մեջբերել էր թուրք հայտնի գրող Ազիզ Նեսինի հետևյալ խոսքերը. «Թուրք ժողովրդի 60 տոկոսը հիմար է»։
Իր հայցում Էրդողանը պահանջում է 50,000 թուրքական լիրա (ավելի քան 33,000 ամերիկյան դոլար) փոխհատուցում։