Գերմանիայի և Ֆրանսիայի առաջնորդները հայտարարել են, որ Հունաստանը կրկին կարիք ունի շտապ ֆինանսական օգնության, որպեսզի թույլ չտան եվրոպական արտարժույթի անկում,- հաղորդում է Reuters գործակալությունը:
Այս մասին Գերմանիայի կանցլեր Անգելա Մերկելը և Ֆրանսիայի նախագահ Նիկոլա Սարկոզին հայտարարել են համատեղ մամուլի ասուլիսից հետո, որը հաջորդել է Բեռլինում կայացած երկկողմ բանակցություններին: Երկու երկրների նախագահները նշել են, որ ԵՄ-ն նաև ակնկալում է մասնավոր ներդրողների օգնությունը Աթենքին տրամադրվող փաթեթի համաձայնեցման ժամանակ:
Այսօր Հունաստանում պաշտոնապես հայտարարվել է կառավարությունում տեղափոխությունների և հրաժարականների մասին: Այս քայլերը պայմանավորված են երկրում աճող դժգոհություններով, ինչպես նաև բախումներով, որ պարբերաբար տեղի են ունենում երկրի տարբեր մասերում: