Համայն Ռուսիո պատրիարք Կիրիլը հայտարարել է, որ հանդես է գալիս բազմաբևեռ խաղաղության օգտին և կոչ է անում, որպեսզի Ռուսաստանը դառնա այդ բևեռներից մեկը: Այս մասին հաղորդում է Interfax գործակալությունը:
«Բազմաբևեռության թեմայով խոսում են քաղաքական գործիչներն ու տնտեսագետները: Բոլորը հասկանում են, որ միաբևեռ աշխարհի ստեղծումը, որտեղ կլիներ քաղաքական որոշումներ կայացնելու միասնական կենտրոն, կարող է վտանգավոր լինել ողջ երկրագնդի համար, բոլոր երկրների համար»,- ասել է պատրիարքը:
Նա նշել է, որ միաբևեռ աշխարհը, որը հիմնված է մեկ քաղաքական կենտրոնի վրա, «կենսունակ չէ»: «Եվ ինձ թվում է, որ Ռուսաստանը մի շարք երկրների հետ, մասնավորապես՝ Շանհայան համագործակցության կազմակերպության երկրների, այսօր ուղղված է հենց նրան, որպեսզի պնդի բազմաբևեռության վրա, որը թույլ է տալիս գոյություն ունենալ տարբեր կենտրոնների և ստեղծում է անհրաժեշտ հավասարկշռությունը, որն մեր մոլորակում խաղաղություն է ապահովում»,- ասել է Կիրիլ 2-րդը:
Նա հավելել է, որ բոլորը գիտեն, թե ինչ է անում մեկ կենտրոնի հեգեմոնիան. «Բավական է հիշել ողբերգական իրավիճակը Կոսովոյում, Հարավսլավիայում, ինչպես նաև աշխարհի մի շարք այլ կետերում»,- ասել է պատրիարքը: