Թերթի տեղեկություններով՝ վերջին շրջանում խիստ լարվել են Սերժ Սարգսյանի և ՀՀ գլխավոր դատախազ Աղվան Հովսեփյանի հարաբերությունները. «Իսկ դա տեղի է ունեցել այն բանից հետո, երբ հայտնի է դարձել, որ Սերժ Սարգսյանի օգնական Արմեն Աբելյանի աներոջ և զոքանչի դեմ քրեական գործ բացելու ցուցումը տվել է անձամբ Աղվան Հովսեփյանը»։
«ՀԺ»-ն հիշեցնում է, որ նախորդող շաբաթվա ընթացքում դատարանները միանգամից երկու արդարացման դատավճիո են կայացրել, որոնք, ըստ էության, ՀՀ գլխավոր դատախազ Աղվան Հովսեփյանի դեմ են եղել. «Օրերս մեզ հայտնի դարձան դրանցից մեկի՝ մայիսի 24-ին Շենգավիթ վարչական շրջանի ընդհանուր իրավասության դատարանի արձակած վճռի նախապատմությունը և մանրամասները, որ ծանր հետևանք կարող են ունենալ ՀՀ գլխավոր դատախազի հետագա կարիերայի համար»,- գրում է թերթը:
