Այսօր՝ մայիսի 1-ին, ԱԺ-ում հրավիրվել է հատուկ նիստ՝ քննարկելու ՀՀ վարչապետի պաշտոնում «Ելք» խմբակցության կողմից առաջադրված Նիկոլ Փաշինյանի ընտրության հարցը:
«Ելք» խմբակցության պատգամավոր Սասուն Միքայելյանը հայտարարեց, որ ինքը պարզել է՝ սահմանին թշնամու կողմից ոչ մի տեղաշարժ չկա. «Դուրս կգանք կապացուցենք, պարոն Նահապետյան, երևի ադրբեջանցիները ավելի խոհեմ են, քան մենք»:
«Ամեն անգամ այդպիսի իմիտացիոն հայտարարություններ եք անում, երբ ժողովուրդը ըմբոստանում է, այլևս դա չի անցնի»,- ասաց ԱԺ պատգամավորը:
«Մարդիկ զզվում են ձեզանից և դուրս են եկել մարտնչելու»,- ասաց Սասուն Միքայելյանը՝ ասելով, որ այս ժողովրդին Նիկոլ Փաշինյանը չի բերել, այլ դուք եք հավաքել: Անդրադառնալով ՀՀԿ պատգամավորների հայտարարությանը, թե Նիկոլ Փաշինյանը չի կարող վարչապետ լինել, Սասուն Միքայելյանը նշեց. «Ես էլ եմ համաձայն, նա չի կարող բանդայի վարչապետ լինի, ինքը ուզում է ՀՀ վարչապետ լինել»:
Նրա խոսքով՝ մարդիկ ուզում են ազատ ապրել. «Կրակի հետ խաղ մի արեք»:
Ամբողջությամբ՝ տեսանյութում: