Լուրեր
Փաշինյանը թագաժառանգ է․ նա պետք է ամեն ինչ անի 3-րդ հանրապետության շարունակությունը լինի, բայց 4-րդի ծուղակը չլինի

«Հասկանալի դարձավ, որ Պլան Ա-ն, այսինքն՝ Կարեն Կարապետյանը չի ստացվում, և անցել են Պլան Բ-ի փորձարկմանը, որը Գագիկ Ծառուկյանն է: Ենթադրելի է, որ արդեն հաջորդ պլանը Նիկոլ Փաշինյանն է»,- «Առաջին լրատվական»-ի հետ զրույցում ասաց հրապարակախոս Հրանտ Տեր-Աբրահամյանը:

Նրա խոսքով՝ ամեն ինչ կախված էր հանրահավաքային ալիքի շարունակությունից կամ չշարունակությունից. «Սակայն ակնհայտ դարձավ, որ ալիքը ոչ միայն չի մարում, այլև նոր թափ կարող է ստանալ, և Կարեն Կարապետյանի թեկնածությունը պնդելը կլիներ և՛ անիրատեսական, և՛ անտրամաբանական»:

Հրապարակախոսը նկատեց, որ այսքան դասական երկիշխանության վիճակ անկախ Հայաստանի պատմության մեջ չի եղել: Մեր զրուցակիցը սա համարում է տեխնոլոգիական հեղափոխություն. «Սա 21-րդ դարի հեղափոխություն է. այստեղ հասարակարգ փոխելու խնդիր չկա: Սա իսկապես իշխանափոխությանն ուղղված հեղափոխություն է»:

 

Ամբողջությամբ՝ տեսանյութում:

  • Դիտումներ՝ *