Հանրահայտ անձինք առանձնակի ուշադրությամբ են վերաբերվում հանգստանալու տեղի ընտրությանը՝ գրում է shoubiz.com.ua-ն: Իրենց հանգիստը կազմակերպելու համար նրանք հսկայական գումարներ են ծախսում:
Ամառային հանգստավայրեր
Աստղերի ամենասիրելի հանգստավայրերից մեկը Ֆրանսիայի Սեն Տրոպե լողափն է, որտեղ նրանք կարող են զբոսնել նավով, պառկել լողափին, որն այնտեղ հրաշալի է: Այստեղ են սիրում հանգստանալ Էլթոն Ջոնը, Քեյթ Մոսը, Ումա Թուրմանը, Վիկտորյա Բոնյան, Տիմոտին: Korrespodent.net-ը նշում է, որ Peninsula վիլլայում հանգստանալու մեկ շաբաթն արժե մինչև 47 500 եվրո:
Հանրահայտ անձինք սիրում են հանգստանալ նաև Մայամիում: Այս քաղաքում սիրում են ժամանակ անցկացնել Ջենիֆեր Լոպեսը, Բրիթնի Սփիրսը, Քրիստինա Ագիլերան, Ջուլյա Ռոբերթսը: Հայտնի մարդկանցից շատերը՝ Ֆիլիպ Կիրկորովը, Ժաննա Ֆրիսկեն, Քրիստինա Օրբակայտեն և այլք այնտեղ տուն ունեն:
Շատ տարածված է նաև Հավայան կղզին: Այնտեղ Հոնու Կայ հյուրանոցում մեկ շաբաթ իջևանելն արժե մինչև 11.500 դոլար: Այստեղ 50-ականներին հանգստացել է Էլվիս Փրեսլին: Նրանից հետո այնտեղ նախընտրում են հանգստանալ Քեթի Փերին, Օուեն Ուիլսոնը, Ջենիֆեր Գարները, Բեն Աֆլեկը, Քեյթ Հադսոնը, իսկ Կառլոս Սանտանան և Օփրա Ուինֆրին այնտեղ անշարժ գույք ունեն՝ փոխանցում է shoubiz.com.ua-ն:
Մալդիվներում հանգստանալ նախընտրում են՝ Անաստասիա Վոլոչկովան, Օլեգ Գազմանովը, Յանա Ռուդկովսկայան՝ ամուսնու՝ Եվգենի Պլյուշենկոյի հետ, Նիկոլայ Բասկովը, Հայդի Քլումը, Գվինեթ Փելթրոուն, Քրիշտիանու Ռոնալդուն և Իրինա Շեյքը: Թռիչքով, երկանգամյա սննդով մեկ շաբաթվա հանգիստն արժե մոտ 6000 դոլար:
Սենտ Բարտելեմի կղզին ընտանեկան հանգստավայր է: Այն սիրում են Գվեն Ստեֆանին, Մրայա Քերին, Բեյոնսեն, Օրլանդո Բլումը, Նիկոլ Քիդմանը, Քսենյա Սոբչակը, իսկ Սիլվեստեր Ստալոնեն, Արիսոն Ֆորդը և Ռոման Աբրամովիչն այնտեղ տուն ունեն: Կարիբյան կղզիներում մեկ ննջասենյակով համեստ վիլլան արժե մոտ 1–1.5 մլն դոլար, իսկ լյուքս դասի վիլլայի համար հայտնիները վճարում են 15-30 մլն:
Ձմեռային հանգստավայրեր
Աստղերը հատկապես սիրում են Ֆրանսիայի լեռնադահուկային Կուրշևել հանգստավայրը, որտեղ հանգստանալ են սիրում Քսենյա Սոբչակը, Քեյթ Հադսոնը, Ուիլ Սմիթը, Քուրդ Ռասելը:
Աստղերը նախընտրում են հանգստանալ նաև ամերիկյան Ասպենում: Այնտեղ սիրում են իրենց արձակուրդը վայելել Մել Գիբսոնը, Ջեք Նիկոլսոնը, Քեյթ Մոսը:
