Ղազախստանի «Աքթաու» և «Քուրըք» նավահանգիստները ԱՄՆ ՌԾՈՒ-ն կօգտագործի Աֆղանստան բեռնափոխադրումների համար, որոնք ըստ էության ամերիկյան բազաներ են դարձել։
Համապատասխան համաձայնագիրը Ղազախստանի սենատը հավանության է արժանացրել դեռևս մարտին։ Սպասվում է, որ առաջիկայում փաստաթուղթը կստորագրի նախագահ Նուրսուլթան Նազարբաևը։ Փորձագհետների կարծիքով՝ «Աքթաու» նավահանգիստը փաստացի դառնում է Պենտագոնի և նրա դաշնակիցների բազան։
Ղազախստանի արտաքին գործերի նախարար Քայրաթ Աբդրռահմանովը հայտնել է, որ Աֆղանստան բեռնափոխադրումների երթուղին կանցնի Վրաստանով և Ադրբեջանով, ապա Կասպից ծովով կհասնի Ղազախստան, իսկ հետո Սարըագաշ, Քելես կամ Բիեյնու-Կարակալպակիա երկաթուղային կայարաններով՝ Ուզբեկստան և Աֆղանստան։
Նա պատգամավորներին հիշեցրել է, որ Ղազախստանի կառավարության և ԱՄՆ-ի միջև համաձայնագիրը ստորագրվել է 2010-ի հունիսի 20-ին և փոփոխվել է ամերիկյան կողմի խնդրանքով՝ բեռնափոխադրումների երթուղին հստակեցնելու հետ կապված։
Նրա խոսքով՝ «Նազարբաևի Վաշինգտոն կատարած այցից հետո Ղազախստանի և ԱՄՆ-ի միջև ընդլայնված համագործակցությունը հստակ բովանդակություն է ձեռք բերում»։ Հիշեցնենք, որ այդ այցի ընթացքում Նազարբաևը կարողացավ Դոնալդ Թրամփի հետ պայմանավորվել Ղազախստանի ազգային հիմնադրամի ակտիվներից կալանքը չեղարկելու շուրջ (22 մլրդ դոլար)։