Երկխոսությունը կայանում է: Դրա համար առաջարկություն և քաղաքական կամք եղել է հենց իշխանության կողմից։ Այսօր արդեն որոշակի գործողություններ ընթացք ստացել են և, կարծում եմ, դեռ կշարունակվեն»,- այսօր լրագրողների հետ հադիպման ժամանակ խոսելով ՀԱԿ-իշխանություն երկխոսության մասին՝ ասաց ԱԺ ՀՀԿ խմբակցության պատգամավոր Մկրտիչ Մինասյանը: Անդրադառնալով պատվիրակություններով երկխոսելու հանգամանաքին՝ Մինասյանը նկատեց, որ ժամանակին հայերը պատվիրակություն էին ստեղծում Բեռլին գնալու համար, իսկ այժմ՝ երկխոսելու. «Պատվիրակությունների կարիք ընդհանրապես չկա։ Մեր կողմից հստակ ասվել է, որ բոլոր այն հարցերը, որոնք կբարձրացվեն, կքննարկվեն այն մարդկանց կողմից, ովքեր դրա համար պատասխանատու են»:
Խոսելով Լևոն Տեր-Պետրոսյանի այն հայտարարության մասին, թե ՀԱԿ-ը հաշվի չի առնելու որոշում չկայացնողների՝ զրոյական դերակատարություն ունեցող անձանց հայտարարությունները, Մինասյանը նկատեց, որ այն անձինք, ովքեր երկխոսելու համար ընդգրկված են ՀԱԿ-ի պատվիրակության կազմում, ևս զրոյական դերակատարում ունեն. «Իսկ եթե սպասում են երկրի ղեկավարի պատասխանին, ապա նախագահը երբ դրա կարիքը գտնի, կպատասխանի»:
Հարցին՝ արդյո՞ք երկխոսելու են ՀԱԿ-ի հետ արտահերթ ընտրությունների վերաբերյալ, Մինասյանը պատասխանեց. «Անիմաստ է երկխոսել, երբ ոչ իրական հարց է դրված օրակարգում: Մի քանի ամիս է մնացել ընտրություններին, և արտահերթ ընտրությունների մասին խոսելը պարզապես քմահաճույքի դրսևորում է: Պետք է լուրջ բաների մասին խոսել, քանզի արտահերթ ընտրությունների համար քաղաքական, սոցիալական, հոգեբանական հիմք չկա՝ դա տրամաբանությունից դուրս է»: