Թերթը գրում է, Հայաստանի քիմիական հսկա «Նաիրիտ գործարանի» «փրկիչներին» ևս երկու շաբաթ է տրվել.
«Երեկ, ըստ էության, ավարտվել է էներգետիկայի և բնական պաշարների նախարարության կողմից հայտարարված «Նաիրիտ գործարանի» կառավարման օպերատորի ընտրության «հետաքրքրությունների հայտերի» ներկայացման վերջնաժամկետը, բայց նախարարությունը նոր վերջնաժամկետ սահմանեց՝ մինչև հունիսի վերջ»,- գրում է «Կապիտալ»-ը։
Էներգետիկայի և բնական պաշարների նախարարության մամուլի քարտուղար Լուսինե Հարությունյանը «Կապիտալին» ասել է, որ հաշվի առնելով այն, որ առկա են «Նաիրիտ գործարանի» օպերատորի ընտրության գործընթացով հետաքրքրվողներ, և որպեսզի բոլոր ցանկացողները հնարավորություն ունենան ծանոթանալ ծրագրին՝ նախարարությունը որոշել է «հետաքրքրության հայտերի» ներկայացման ժամկետը երկարացնել մինչև ամսվա վերջ։
«Այս պատասխանից պարզ երևում է, որ ըստ էության «հետաքրքրության հայտեր» ոչ մի ընկերություն չի ներկայացրել, կամ ներկայացրել է նախարարությանը ոչ ցանկալի ընկերություն, հակառակ դեպքում նախարարությունը ժամկետների վերանայում չէր կատարի»,- հավելում է «Կապիտալ»-ը։
