«Ելք» խմբակցության պատգամավոր Սասուն Միքայելյանը «Առաջին լրատվական»-ի հետ զրույցում հարցադրում արեց․ «Եթե Սերժ Սարգսյանից չազատվես, ուրիշ ինչի՞ց ազատվես․ «Եթե մենք հզոր լինենք, ամուր լինենք պատերազմ չի լինի, էսօր մենք պարտավոր ենք ստեղ լինենք, որպեսզի զինվորը սահմանին իրեն պաշտպանված զգա»:
Ինչ վերաբերում է ոստիկանության գործողություններին, Միքայելյանը նկատեց, որ ոստիկանությունը սպասում է հրամանի․ «Նրանք լավ են հասկանում, որ այսօրվա իշխանությունը պրոբլեմ է»:
Հարցին, թե ինչը պետք է խանգարի, որ Սերժ Սարգսյանը ոստիկանությանը հրահանգի ուժ կիրառել, Միքայելյանը նշեց․ «Կայծից են վախենում, որ կարող է կրակ բռնկվել: Եթե ժողովուրդն ուզում է, որ ոստիկանությունը չհարձակվի, բռնություն չկիրառվի պետք է լինի այս հրապարակում: Մենք պետք է հաղթենք, որովհետև մենք մեծ պատերազմ ենք հաղթել: Մեր ըմբոստությունը ցույց է տալիս, որ մենք չենք ընդունում այս իշխանություններին և չենք համարում լեգիտիմ»: