Այսօր ասուլիսին ներկայացած համալսարանների ուսխորհուրդների նախագահներից մի քանիսը իրենց կրծքին կրում էին ՀՀԿ կրծքանշանը: Բոլորից հետաքրքրվեցինք և պարզեցինք, որ ՀՀԿ անդամ են: Սակայն նրանք շտապեցին նշել, որ իրենց կուսակցական լինելը չի խանգարում ուսխորհրդի գործունեությանը, իրենք որևէ կերպ չեն կուսակցականացնում իրենց գործունեությունը, և որ իրենց անդամներից շատերն անկուսակցական են: Նրանցից հետաքրքրվեցինք `այսօրվա մեր ուսանողությունը արդյոք ունի՞ ներուժ և կարո՞ղ է հեղափոխություն իրականացնել անհրաժեշտության դեպքում: ԵՊՀ ուսխորհրդի նախագահ Ցոլակ Հակոբյանի խոսքերով, ուսանողությունը պետք է լինի ազատամիտ հայացքներով օժտված և պետք է իր ձայնը բարձրացնի առկա անարդարությունների դեմ: Ըստ նրա` ԵՊՀ ուսանողները պահպանում են բարի ավանդույթները. « Առաջին կարևոր խնդիրը (մենք քաղաքական խնդիրներից փորձում ենք խուսափել)՝ ձայն ենք բարձրացնում բոլոր այն նեգատիվ երևույթների դեմ, որոնք, համարում ենք, որ հակասում են ոչ միայն մեր ուսանողության շահերին, այլ նաև հասարակական հնչողության խնդիրներ են, այնպես որ` այս պարագայում ուսանողը պետք է լինի ազատամիտ և ազատական հայացքներով օժտված», -նշել է նա: Մեր հարցին` եթե ՀՀԿ եք, ինչպե՞ս եք հեղափոխություն իրականացնում, ասաց, որ ինքը հեղափոխություն ասելով՝ մտքի հեղափոխություն նկատի ունի, դրա համար քաղաքական խնդիրներից խուսափում է և քաղաքական պատասխաններ չի տալիս:
ՀՊՄՀ ուսխորհրդի նախագահ Վոլոդյա Գասպարյանը ϳñÍáõÙ ¿, որ ուսանողությունը պետք է համախմբվի հիմնական և համազգային գաղափարների շուրջ և կարողանա զարգացնել հայրենասիրությունը, պետականաշինությունը, պետության լիարժեք քաղաքացի զգալու գիտակցությունը, որ մենք ապագա ունենանք, հզոր տնտեսություն ունենանք, որ տնտեսական աճ ունենանք, որ կարողանանք քայլել եվրոպական երկրների հետ միասին: Իսկ մեր հարցին` արդյոք կրծքանշանը չի՞ խանգարում իրեն, պատասխանեց , որ մեծ սիրով է կրում, երբ կոստյում է հագնում, ամեն օր կրում է ՀՀԿ կրծքանշանը:
Երևանի Թատրոնի և կինոյի ինստիտուտի ուսխորհրդի նախագահ Էմին Թորոսյանն էլ այն կարծիքին է, որ որպես երկրի քաղաքացի`պ ետք է ունենալ և տիրապետել այն տեղեկատվական դաշտին, թե ինչ է իրականում երկրում կատարվում: «Եթե կան խնդիրներ, և դա երկիրը բերում է ընդհանուր քաղաքացիական հեղափոխության , այո՛, դու դրա կրողը և մասնակիցը պետք է լինես»,- ասաց Էմին Թորոսյանը: