Մի քանի ամիս առաջ Պոլսի Թաքսիմ թաղամասի Գեզի այգու շուրջ ծայր առած դեպքերի շրջանակում բազմիցս խոսվեց նաև հայկական երբեմնի գերեզմանոցի ու շիրմաքարերի մասին: Գեզիի մերձակայքի շինարարության ընթացքում՝ ճամփեզրին կատարված պեղումների ժամանակ, հայտնաբերվել էին 19 շիրմաքարեր, որոնց վրա հստակ կերպով կարդացվում էին հայերեն տառեր:
Ինչպես տեղեկացնում է ֆրանսիական «Յառաջ» պարբերականը, այնուհետև դրանք փոխադրվել էին Հնագիտության թանգարան: Հայոց պատրիարքարանին հղված դիմումից հետո շիրմաքարերի ճակատագրով զբաղվելու գործը հանձնվել է Շիշլիի Հայոց գերեզմանատան վարչությանը:
Այսպիսով՝ այդ 19 շիրմաքարերը հանձնված են Շիշլիի գերեզմանատան տնօրինությանը: