ՀՀ-ում 2012թ. աղքատության ցուցանիշը կազմել է 32.4, իսկ ծայրահեղ աղքատների թիվը` 2.8 տոկոս. այս ցուցանիշները երեկ հրապարակել է ՀՀ ԱՎԾ-ն` «Հայաստանի սոցիալական պատկերը և աղքատությունը 2013» զեկույցում:
«Ժողովուրդ» օրաթերթը գրում է, որ 2011թ. աղքատության ցուցանիշը եղել է ավելի բարձր` 35 տոկոս, իսկ ծայրահեղ աղքատների թիվը` 3.7 տոկոս: Մեկ տարվա ընթացքում աղքատության ցուցանիշի որոշակի անկումը, սակայն, մասնագետների պնդմամբ, իշխանությունների մանիպուլյացիաների հետևանք է: Բանն այն է, որ աղքատության ցուցանիշը հաշվել են ըստ սպառողական զամբյուղի` 2 հազար 232 կիլոկալորիա, որը 2.6 տոկոսով քիչ է նախորդ տարվա հաշվարկային միավորից: Սակայն անգամ այս դեպքում պետք է արձանագրենք, որ Սերժ Սարգսյանի նախագահության և Տիգրան Սարգսյանի վարչապետության առաջին ամիսներին ՀՀ-ում աղքատությունը 27.6, իսկ ծայրահեղ աղքատությունը 1.6 տոկոս էր: Ասել է թե՝ 5 տարվա ընթացքում և՛ աղքատների, և՛ ծայրահեղ աղքատների թիվը շեշտակի աճել է:
Հոդվածն ամբողջությամբ՝ կարդցեք «Ժողովուրդ» օրաթերթի այսօրվա համարում:
