Ուկրաինայի նախագահ Վիկտոր Յանուկովիչը հայտարարել է, որ Ուկրաինան ԵՄ-ի հետ Ասոցացման համաձայնագիրը կստորագրի երբ պատրաստ լինի, հայտնում է Ria Novosti-ն:
Նախագահի խոսքով՝ եվրոպական ստանդարտներին անցնելու համար Ուկրաինային պետք է ոչ պակաս, քան տարեկան 20 մլրդ դոլար, հայտնում է INTERFAX-ը:
Յանուկովիչը նշել է, որ մինչև 2017 թականն Ուկրաինային պետք է մոտ 160 մլրդ դոլար:
Նախագահը նշել է, որ իշխանությունները ստորագրման մասին կխոսեն այն ժամանակ, երբ Ուկրաինան հասնի իր շահերին համապատասխանող ավելի «հարմարավետ» մակարդակի: «Երբ դա լինի՝ վաղ թե ոչ վաղ՝ ժամանակը ցույց կտա: Ես ուզում եմ, որ այդ ժամանակը հնարավորինս շուտ գա»,- ասել է Յանուկովիչը:
Ավելի վաղ նախագահը հայտարարել էր, որ Ուկրաինան մեկնած ձեռքով «աղքատ բարեկամ» չի լինի:
