Facebook սոցկայքից ստացված ավելի քան 87 մլն օգտատերերի տվյալներ կարող են պահպանվել Ռուսաստանի Դաշնությունում։ Այս մասին հայտնել է Cambridge Analytica-ի նախկին աշխատակից Քրիստոֆեր Ուայլին, փոխանցում է CNN-ը։
«Տվյալները կարող են պահպանվել աշխարհի տարբեր մասերում, այդ թվում՝ ՌԴ-ում՝ հաշվի առնելով փաստը, որ գործընթացը ղեկավարող պրոֆեսորը Մեծ Բրիտանիայից Ռուսաստան է մեկնել»,-ասվում է հաղորդագրությունում։
Cambridge Analytica whistleblower Christopher Wylie says the data the firm gathered from Facebook could have come from more than 87 million users and could be stored in Russia https://t.co/071BDWgvhU pic.twitter.com/deFYssIgQi
— CNN Breaking News (@cnnbrk) April 8, 2018
Նրա խոսքով՝ Facebook-ի օգտատերերի թիվը, որոնց անձնական տվյալները ստացել է Cambridge Analytica-ն, կարող է գերազանցել 87 մլն-ը։
Հիշեցնենք, որ Եվրահանձնաժողովը քննադատել է Facebook ընկերությանը՝ օգտատերերի տվյալների արտահոսքի վերաբերյալ նոր տեղեկության հետ կապված։
