Վաղը Բաքվում կմեկնարկի մերձկասպյան պետությունների՝ Ռուսաստանի, Ադրբեջանի, Իրանի, Ղազախստանի և Թուրքմենստանի ղեկավարների երրորդ գագաթնաժողովը: Նիստի հիմնական թեման կլինի Կասպից ծովի անվտանգության ոլորտում համագործակցության վերաբերյալ համաձայնագրի համաձայնեցման հարցը: Նոյեմբերի 3-4-ը Բաքվում տեղի էր ունեցել մերձկասպյան հինգ երկրների արտաքին քաղաքական գերատեսչությունների ղեկավարների տեղակալների նիստը՝ նվիրված Կասպից ծովի անվտանգության ոլորտում համագործակցության վերաբերյալ համաձայնագրի նախագծի համաձայնեցմանը: Ամփոփելով նիստի արդյունքները՝ Ադրբեջանի ԱԳ փոխնախարար Խալաֆ Խալաֆովը հայտարարել է. «Մենք ընդհանուր համաձայնության եկանք Կասպից ծովի անվտանգության ոլորտում համագործակցության վերաբերյալ համաձայնագրի նախագծի բոլոր հիմնական հարցերի շուրջ: Այնուհետև երկրներից յուրաքանչյուրը կհամաձայնեցնի այդ համաձայնագրի ներքին ընթացակարգերը»,- հայտնում են ադրբեջանական գործակալությունները:
