Ֆրանսիայի նախագահ Էմանուել Մակրոնը եկուշաբթի օրը հայտարարել է, որ 2019թ. սեպտեմբերից երեխաների երեք տարեկանից պարտադիր պետք է հաճախեն մանկապարտեզներ՝ գրում է telegraf.com.ua-ը:
Մինչ այժմ Ֆրանսիայում պարտադիր կրթությունը սկսվում էր վեց տարեկանից, սակայն 1989թ.-ից ի վեր յուրաքանչյուր երեխա իրավունք ունի երեք տարեկանից հաճախելու նախադպրոցական հաստատություններ:
Ֆրանսիայի կրթության նախարարության տվյալներով՝ երեք տարեկան երեխաների՝ մանկապարտեզ հաճախելիության մակարդակը ամենաբարձրն է Փարիզում, կան շրջաններ, որտեղ գրանցվել է երեխաների հաճախելիության ցածր մակարդակ:
«Հույս ունեմ, որ այս նորամուծության շնորհիվ 2019թ. մենք կկարողանանք շտկել այդ անթույլատրելի տարբերությունը»,- ասել է Մակրոնը՝ հավելելով, որ ապագայում ևս նախադպրոցական կրթությունը կշարունակի մնալ Ֆրանսիայի կրթական համակարգի կարևոր տարրը:
