Թուրքական Zaman թերթի փոխանցմամբ՝ երեկ երեկոյան Սիրիայի նախագահ Բաշար Ասադի մոտ 4000 կողմնակիցներ Դամասկոսի Մուհաֆազա հրապարակում կազմակերպել են բողոքի ակցիա՝ ընդդեմ մի շարք երկրների, այդ թվում` նաև Թուրքիայի։
Ցուցարարները «զինված» են եղել Ասադի նկարներով ու Սիրիայի դրոշներով: Նրանք Ասադի օգտին հայտարարություններ են հնչեցրել։ Բացի այդ, Թուրքիայից պահանջել են վերադարձնել Իսքենդերունը (Ալեքսանդրետ)։
Ցուցարարներն այրել են Թուրքիայի, Ֆրանսիայի ու ԱՄՆ-ի դրոշները։
Հիշեցնենք, որ երկու օր առաջ էլ Ասադի մոտ 2000 կողմնակիցներ հարձակվել են Դամասկոսում գտնվող թուրքական դեսպանատան վրա։ Սիրիայում հակաթուրքական տրամադրությունների ուժեղացումը Դավութօղլուին ստիպել է մի շարք երկրներից հետ կանչել Թուրքիայի դեսպաններին՝ «սիրիական ժողով» գումարելու համար։
