Կառավարության վաղվա նիստում երեք որոշման նախագիծ է քննարկվելու, որոնք վերաբերում են մշակույթի նախարարությանը պահուստային ֆոնդից գումար տրամադրելուն: Որոշման առաջին նախագծով նախատեսվում է պահուստային ֆոնդից մոտ 2.3 մլն դրամ հատկացնել ժողովրդական արտիստ Վլադիմիր Մսրյանի մահարձանի պատրաստման, տեղադրման և գերեզմանի բարեկարգման աշխատանքների իրականացման համար: Երկրորդ նախագծով 342 հազար դրամ է տրամադրվել ժողովրդական արտիստ, պրոֆեսոր Պավել Լիսիցյանի հուշա¬տախտակի պատրաստման և տեղադրման աշխատանքների իրականացման ծախսերի համար, իսկ երրորդ նախագծով 9.1 մլն դրամ է հատկացվելու «Արամ Խաչատրյան» համերգասրահի պարտերի հատակի մանրահատակի վերանորոգման նպատակով:
