Այժմ Աֆրինում ծածանվում են Թուրքիայի և Սիրիական ազատագրական բանակի դրոշները: Թուրքիայի նախագահ Էրդողանը հայտարարել է իր բանակի կողմից Սիրիայի հյուսիս-արևմուտքում Աֆրինի գրավման մասին: Այս մասին հաղորդում է Anadolu-ն:
Նշվում է, որ մարտի 18-ին, ժամը 8:30-ի դրությամբ, թուրքական բանակը և սիրիական ընդդիմության ջոկատները Աֆրինը «մաքրել են» ահաբեկիչներից:.
«Աֆրին քաղաքի վրա արդեն ծածանվում է ոչ թե ահաբեկիչների պատառոտված և կեղտոտ խորհրդանշանը, այլ կայունություն և անվտանգություն խորհրդանշող դրոշներ: Այժմ Աֆրինում ծածանվում են Թուրքիայի և Սիրիական ազատագրական բանակի դրոշները»,- հայտնել է Էրդողանը:
Նա խոստացել է, որ Անկարան ամեն հնարավորը կանի՝ վերացնելու համար Սիրիայի հյուսիս-արևմուտքում ահաբեկիչների գործողությունների հետևանքները և կվերականգնի տարածաշրջանի ենթակառուցվածքները:
«Մենք միջոցներ կձեռնարկենք սիրիացի փախստականներին հայրենիք վերադարձնելու համար»,- ընդգծել է Թուրքիայի նախագահը:
