Monday, 08 08 2022
«Իսլամական ջիհադի» թեւը հայտնել Է 12 հրամանատարների եւ ակտիվիստների մահվան մասին. Al Jazeera
17:30
Ֆինլանդիան մասնագետներ կուղարկի Մեծ Բրիտանիա Ուկրաինայի զինված ուժերի պատրաստման համար
17:20
Հնդկաստանն Ուկրաինա կուղարկի մարդասիրական օգնության նոր խմբաքանակ
17:10
Ուկրաինա են ժամանել գերմանական երեք զենիթահրթիռային «Gepard» համալիրներ
17:07
Live. «Առաջին լրատվական» տեղեկատվական-վերլուծական կենտրոն
Վրաստանի օդերեւութաբանները գալիք տապ են կանխատեսել
Չինաստանը Ադրբեջանին և Հայաստանին կոչ է անում խուսափել տարածաշրջանում իրավիճակի սրումից
16:40
Լեհաստանը մտադիր Է հսկողություն սահմանել Ուկրաինայի գյուղատնտեսության նկատմամբ. CSP
Միջանցքի տեղափոխությունից հետո նոր միջանցքը կանցնի Աղանուս համայնքի վարչական տարածքով, Քաշաթաղից ինչ-որ կտոր կմնա ՝ միջանցքի տեսքով. Խանումյան
Երևանը, Գյումրին, Վանաձորն օդի աղտոտվածության ցուցանիշներով կարմիր գոտում են
Մհեր Սեդրակյանին պատկանող գույքերի վրա կալանք է դրվել
Պետք են կտրուկ գործողություններ, մեծ ջանքեր են գործադրում, որ ԱՄՆ-ն չշրջանցի 907 բանաձևը
Ամերիկա-ռուսական դիմակայության բուֆերը. Թուրքիան պատրաաստվում է նոր Եվրոպայի
Ռուսաստանում կորոնավիրուսով վարակման 17 862 դեպք են հայտնաբերել մեկ օրում
«Եռաբլուր» տանող ճանապարհն այսուհետ կլինի լուսավոր. ավարտվել են 1.3 կմ երկարությամբ լուսավորության ցանցի կառուցման աշխատանքները
Ամենուր ռուսական ագենտուրան է, «Զանգեզուր» ֆիլմի իրավիճակը
Վլադիմիր Կարապետյանը անդրադարձել է Ադրբեջանում պահվող հայ ռազմագերիների խնդրին
ՄԻԵԴ-ը շատ արագ չի քննարկելու, և մենք այս նոր ներկայացված գանգատով մեր մտքում առնվազն պետք է ունենանք 3-5 տարվա հեռանկար
Վահագն Վերմիշյանը տեղափոխվել է Էրեբունի բժշկական կենտրոն
15:00
ԵՄ-ում հայտարարում են, որ Բրիտանիայից եկող գազը վտանգավոր խառնուրդներ Է պարունակում. FT
Օրվա թիվը`2.961.900
14:50
Չինաստանի եւ Սինգապուրի գիտնականները հենիպավիրուսի նոր տեսակ են հայտնաբերել
Բենզինի և մյուս վառելիքների գինը – Օգոստոս 8, 2022
Իսրայելում հայտարարել են, որ «Իսլամական ջիհադը» շուրջ հազար հրթիռ Է արձակել երկրի ուղղությամբ
Փետրվարից ի վեր ավելի քան 3,2 մլն փախստական Է ժամանել ՌԴ Ուկրաինայի եւ Դոնբասի տարածքից
Տիգրան Խզմալյանի ղեկավարած կուսակցությունն այսօրվանից ստորագրահավաք է անում
14:00
Ամերիկացիների 40 տոկոսը չի ցանկանում Բայդենի եւ Թրամփի՝ երկրորդ ժամկետով վերընտրվելը
Ինչո՞ւ են Մեղրի-Ագարակ ճանապարհին հսկողություն իրականացնում ռուս սահմանապահները
Հաստատվել է կորոնավիրուսի 1849 նոր դեպք, մահացել է 2 մարդ
Օրվա թիվը`2,232,695

Հայաստան-ԵՄ համաձայնագիրը հնարավոր կլինի կյանքի կոչել ամենաուշը հունիսի 1-ից. «Հայաստանի եվրոպացի բարեկամներ»

Հայաստանը և Եվրոպական միությունը Համապարփակ և ընդլայնված գործընկերության համաձայնագիրը ստորագրելուց հետո քայլեր են ձեռնարկում այս փաստաթուղթը կյանքի կոչելու ուղղությամբ: Շաբաթներ առաջ՝ փետրվարի 21-ին, աշխատանքային այցով Բրյուսել մեկնած Հայաստանի արտաքին գործերի նախարար Էդվարդ Նալբանդյանը հանդիպել էր Եվրամիության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ։ Հանդիպման ավարտին Էդվարդ Նալբանդյանն ու Ֆեդերիկա Մոգերինին, որպես Հայաստան-ԵՄ համագործակցության խորհրդի համանախագահներ, ստորագրել են Հայաստան-Եվրոպական միություն գործընկերության առաջահերթությունների իրագործման մասին փաստաթուղթը։ Հաջորդ օրը, Հայաստանում Եվրամիության պատվիրակության ղեկավար, դեսպան Պյոտր Սվիտալսկին հրապարակեց ուղերձ՝ նշելով, որ փաստաթուղթը ներկայացնում է այն առաջնահերթությունները, որոնք սահմանում են մեր երկխոսության և քաղաքական համագործակցության ոլորտը: Դեսպանը նշեց, որ այն հիմք է հանդիսանալու զարգացման աջակցության ոլորտները նախանշելու համար: Սա կարևոր փաստաթուղթ է, որն ամրապնդում է երկկողմ հարաբերությունները և լրացնում Հայաստանի և ԵՄ-ի միջև արդեն իսկ համաձայնեցված և ընդունված Համապարփակ և ընդլայնված գործընկերության համաձայնագիրը:

Թեմայի շուրջ «Առաջին լրատվական»-ի զրուցակիցն է «Հայաստանի եվրոպացի բարեկամներ» կազմակերպության ղեկավար Դիոգո Պինտոն:

– Պարոն Պինտո, ի՞նչ կարող եք ասել այս փաստաթղթի մասին: Ինչո՞ւ կողմերը որոշեցին ստորագրել այն, և որո՞նք են Եվրամիություն-Հայաստան գործընկերության առաջնահերթությունները:

– Երկու շաբաթ առաջ ստորագրված փաստաթուղթը, որը կոչվում է «Եվրամիության և Հայաստանի գործընկերության առաջնահերթությունները», Համապարփակ և ընդլայնված գործընկերության համաձայնագրի (CEPA) տրամաբանական հետևանքն է և միտված է հեշտացնելու երկկողմ համագործակցության իրագործումը: Այն ինչ-որ առումով CEPA-ի համատեքստում ընդունված ընդհանրական սկզբունքների, արժեքների և հանձնառությունների թարգմանությունն է ավելի կոնկրետ գործողությունների, որոնք կօգնեն երկու կողմերին հետագայում առաջ մղել նման արժեքները և աջակցել Հայաստանի բարեփոխումներին՝ միտված ժողովրդավարության, մարդու իրավունքների ոլորտների բարելավմանը, օրենքի իշխանության հաստատմանը, կայուն տնտեսական աճի, անկեղծության և թափանցիկության ապահովմանը: Այս Առաջնահերթությունները փոխարինում են Եվրոպական հարևանության քաղաքականության Գործողությունների ծրագրին և կձևավորեն օրակարգ քաղաքական և ոլորտային երկխոսության համար՝ ինչպես սահմանված է CEPA-ում:

Նախորդ ամիս Եվրամիության և Հայաստանի միջև համաձայնեցված առաջնահերթություններն են՝

Ինստիտուտների ամրապնդումը և լավ կառավարումը (մարդու իրավունքների պաշտպանության խրախուսում և օրենքի գերակայություն, հիմնարար ազատություններ). այս առաջնահերթությունը ներառում է դատական համակարգի և հանրային կառավարման շարունակական բարեփոխումները (ներառյալ իրավապահ մարմինները), ինչպես նաև կոռուպցիայի դեմ պայքարն ու քաղաքացիական հասարակության ուժեղացումը,

Տնտեսական զարգացումը և շուկայական հնարավորությունները (կայուն և ներառող). այս առաջնահերթությունը ներառում է լավագույն փորձի ներդրումը՝ կապված պետական ֆինանսների կառավարման, բիզնես միջավայրի բարելավման (հատկապես փոքր և միջին ձեռնարկությունների) հետ, աջակցությունը թվային տնտեսությանը, էկոլոգիական խնդիրների լուծմանը և հետևաբար նաև կանաչ տնտեսության ձևավորմանը, և շրջանային ու գյուղական զարգացումը,

Միակցվածությունը, էներգետիկ արդյունավետությունը, շրջակա միջավայրի և կլիմայի հետ կապված գործողությունները (նպաստել Հայաստանի աշխարհագրական վիճակի հետևանքների մեղմացմանը). այս առաջնահերթությունը ներառում է համագործակցությունը ընդլայնված Տրանս-եվրոպական տրանսպորտային ցանցի (TEN-T) շրջանակներում և Եվրամիության հետ ավիացիոն համաձայնագրի կնքումը, բայց նաև աջակցությունը շրջակա միջավայրի բարելավմանը, էներգետիկ արդյունավետության և էներգետիկ անվտանգության մակարդակի բարձրացմանը,

Շարժունակությունը և ժողովրդական կապերի ամրապնդումը (որը ժամանակի ընթացքում կտանի դեպի վիզաների ազատականացման շուրջ երկխոսություն Հայաստանի հետ). այս առաջնահերթությունը ներառում է համագործակցությունը՝ Հայաստանի և Եվրամիության միջև քաղաքացիների շարժունակության հեշտացման նպատակով, միգրացիոն հոսքերի կառավարումը և համագործակցությունը կրթության և ուսուցանման, հետազոտության և նորարարության ոլորտներում,

– Կարծում եք՝ կողմերը կարո՞ղ են սկսել CEPA-ի կենսագործումը առանց վավերացման:

– Եվրամիության կողմից վավերացումը երկար ու բարդ գործընթաց է, որն ընդգրկում է շատ երկրներ և նույնիսկ ավելի շատ խորհրդարաններ և իշխանություններ: Եվրամիությունը գիտակցում է սա, և այդ պատճառով է, որ համաձայնագիրն ունի դրույթ, որը թույլ է տալիս սկսել ժամանակավոր կենսագործումը Հայաստանի կողմից համաձայնագիրը վավերացնելուց անմիջապես հետո: Հայաստանի իշխանությունները հայտարարել են, որ դա տեղի կունենա հաջորդ ամիս: Եթե դա տեղի ունենա, կարծում եմ, որ CEPA-ն հնարավոր կլինի կյանքի կոչել ամենաուշը հունիսի 1-ից:

– Դեսպան Սվիտալսկին իր ուղերձում նշեց, որ CEPA-ն քաղաքական բնույթի շատ բարդ փաստաթուղթ է, և ինքը հուսով է, որ ամենօրյա գործողություններում ունենալով ինտենսիվ երկխոսություն հայ գործընկերների հետ՝ կունենանք այս պայմանագրից բխող իրական արդյունքներ: Ի՞նչ սպասելիքներ կան այս համաձայնագրից:

– Դեսպան Սվիտալսկին շատ իմաստուն և բանիմաց մարդ է, և կարծում եմ, որ մենք պիտի վստահենք նրան այս հարցում: Անձամբ ես, վստահում եմ: CEPA-ն հսկայական ներուժ ունի, բայց դրա ստորագրումն ու վավերացումը որևէ արժեք չունեն, եթե կողմերը հավատարիմ չլինեն այն արժեքներին ու նպատակներին, որոնց շուրջ համաձայնության են հասել: Ահա թե ինչու է Առաջնահերթությունների փաստաթուղթը կարևոր, քանի որ այն սահմանում է առանձնահատկությունները և հնարավորություն է տալիս երկու կողմերին անել կոնկրետ քայլեր և իրականացնել համատեղ գործողություններ: Միայն այս պրակտիկ միջոցառումներն ու շոշափելի որոշումները կլինեն տեսանելի և թույլ կտան Հայաստանի քաղաքացիներին զգալու համաձայնագրի և Եվրամիության ու իր անդամ պետությունների հետ համագործակցության իրական օգուտները: Ես հույս ունեմ, որ դա կսկսվի որքան հնարավոր է շուտ:

– Շատ փորձագետներ նաև քննադատում են ստորագրված համաձայնագիրը՝ ասելով, որ Եվրամիության հետ համագործակցության առանցքը տնտեսական համագործակցությունն է և ստանդարտների ներդաշնակեցումը Եվրամիության հետ, և այս բաղադրիչի բացակայությունը նվազեցնում է փաստաթղթի կարևորությունը: Համաձա՞յն եք այս տեսակետի հետ: 

– Ես կհամաձայնեի, եթե դա ճիշտ լիներ: Համաձայնագիրը ներառում է տնտեսական համագործակցության և ստանդարտների ներդաշնակեցման կետեր տարբեր ոլորտներում՝ ինչպես հստակորեն ցույց են տալիս Առաջնահերթությունները: Համաձայնագիրը տնտեսական համագործակցության և ստանդարտների ներդաշնակեցման մեծ հնարավորություն է տալիս, և միայն երկու կողմերից է կախված՝ դա կանեն, թե ոչ: Կարելի է ապրել նաև առանց Եվրամիության հետ ազատ առևտրի գոտու, ու թեև ես նույնպես շատ կուզենայի, որ Հայաստանը ստորագրած լիներ Խոր և համապարփակ ազատ առևտրի համաձայնագիրը (DCFTA) Եվրամիության հետ, այնուամենայնիվ, կարծում եմ՝ ժամանակն է, որ մարդիկ վերջ տան քննարկումներին, թե ինչ կլիներ, եթե Հայաստանը ստորագրեր, և դրա փոխարեն կենտրոնանան այն խնդրի վրա, թե ինչպես կարելի է առավելագույն օգուտներ ստանալ հնարավորից: Այլապես մի քանի տարի անց մենք կրկին սկսելու ենք քննարկել բաց թողնված հնարավորությունները, մինչդեռ ես նախընտրում եմ, որ դրա փոխարեն տոնենք ձեռքբերումներն ու հաջողությունները:

Բաժիններ
Ուղիղ
Լրահոս
Որոնում