ԱՄՆ Կոնգրեսի ներկայացուցիչների պալատը կողմ է քվերարկել 2012 թ. ռազմական հատկացումների օրենքում փոփոխություններ կատարելու օրինագծին, որի համաձայն ծախսերի սահմանափակումներ են մտցվում: Դա մասնավորապես վերաբերելու է Լիբիայիում ռազմական օպերացիային, որին մարտ ամսից մասնակցում են ամերիկացիները: Այս մասին հաղորդում է France Presse գործակալությունը:
Ըստ այդ օրինագծի՝ այսուհետ ռազմական օպերացիաներին հատկացումները չպետք է հակասեն Ռազմական իրավասությունների բաշխման մասին օրենքին (War Powers Resolution): Այս վերջին օրենքը խախտելու մեջ էլ կոնգրեսականները մեղադրում են Օբամային, քանի որ Լիբիայի օպերացիային ԱՄՆ զինվորականների մասնակցությունն իրականացվում է առանց Կոնգրեսի թույլտվության։ Դա, ըստ կոնգրեսականների, վերոնշյալ օրենքի խախտում է: Նոր ընդունված օրինագծով, ռազմական օպերացիաներին ԱՄՆ մասնակցելու դեպքում այն պետք է կանխավ արտոնվի Կոնգրեսի կողմից:
Նշվում է, որ օրինագծին կողմ են քվեարկել ոչ միայն ընդդիմադիր հանրապետականները, այլև դեմոկրատները: