Դատավարությունը Թունիսի նախկին նախագահ Զին Ալ-Աբիդին բեն Ալիի դեմ, որը հրաժարական էր տվել և երկիրը լքել հունվարի 14-ի հեղափոխության արդյունքում, կսկսվի արդեն հաջորդ երկուշաբթի՝ հունիսի 20-ին: Այս մասին հաղորդում է BBC-ն:
Երկրի վարչապետի ժամանակավոր պաշտոնակատար Բաջի Սայիդ Էսսեբին հեռուստաելույթի ժամանակ ասել է, որ Բեն Ալիին և նրա կողմնակիցներին, այդ թվում՝ կնոջը, առաջադրվել է 19 կետից բաղկացած մեղադրանք՝ գործողություններ, ուղղված պետականության դեմ, թմրանյութերի անօրինական շրջանառություն և այլն:
Դատավարությունը նախկին նախագահի դեմ կլինի հեռակա, քանի որ վերջինս գտնվում է երկրի սահմաններից դուրս՝ Սաուդյան Արաբիայում: